Rusların köç etdiyi ölkələrin valyutaları bahalaşıb
Səfərbərlikdən qaçan ruslar bir sıra ölkələrə milyardlarla vəsait axınına səbəb olub.Rusiya Ukraynanı işğal etməyə başlayandan sonra rusların ölkədən köçməsi (immiqrasiyası) sürətlənib. Bu proses bir sıra keçmiş sovet respublikalarının valyutalarının bahalaşmasına səbəb olub.
Fevral ayından etibarən on minlərlə Rusiya vətəndaşının Mərkəzi Asiya və Cənubi Qafqaz ölkələrində məskunlaşması ilə əlaqədar olaraq Gürcüstan, Ermənistan və Tacikistanın valyutaları ABŞ dollarına nisbətdə ən yüksək nəticə göstərən ölkə valyutaları sırasındadır. Ruslar bu ölkələrə özləri ilə milyardlarla dollar ekvivalentində vəsait gətirirlər.
Bu ölkələrdə rus dilinin geniş yayılması, Rusiya vətəndaşlarından səyahət vizası tələb olunmaması, vəsaitlərin yerli banklara köçürülməsinə heç bir məhdudiyyət qoyulmaması adı çəkilən ölkələri ruslar üçün cəlbedici edib.
Marja.az Bloomberg-in tərtib etdiyi məlumatlara istinadən xəbər verir ki, dünya valyutaları arasında ən çox dəyər qazanan erməni dramı ilin əvvəlindən dollar qarşısında 22 faizdən çox bahalaşıb.
Digər tərəfdən, gürcü larisi və Tacikistan somonisi müvafiq olaraq 16 faiz və 10 faizdən çox dəyər qazanıblar.
Gürcüstan Milli Bankının məlumatına görə, bu il müharibə ilə əlaqədar Rusiyadan Gürcüstana pul köçürmələri 5 dəfə artıb. Bu məbləğin 1,75 milyard dolları keçdiyi və bütün köçürmələrin 60 faizindən çoxuna bərabər olduğu açıqlanıb.
Digər tərəfdən, ilk on ayda Ermənistana pul köçürmələri 2021-ci ilin eyni dövrü ilə müqayisədə təxminən dörd dəfə artaraq 2,8 milyard dollar təşkil edib.
2022-ci ilin 9 ayı üzrə Azərbaycanın tədiyə balansının əsas göstəricilərinə görə, ölkəyə göndərilən pul baratlarının həcmi 3.6 dəfə artaraq 2.8 milyard dollar təşkil edib.
Eyni zamanda, Rusiyadan insan axınının valyuta təsiri daha kiçik keçmiş sovet respublikalarında daha böyükdür. Ermənistan və Gürcüstandan dəfələrlə böyük olan Qazaxıstana da Rusiyadan daxilolmalar artıb, lakin təngə ili dollar qarşısında 7%-dən çox itki ilə başa vurmaq yolundadır.
Müharibədən və beynəlxalq sanksiyalardan Rusiyanın qonşularının ən böyük ticarət tərəfdaşı kimi əziyyət çəkəcəkləri gözlənilirdi. Reallıqda böyük kapital axını onların valyuta ehtiyatlarını artırıb və cari əməliyyatlar balansını yaxşılaşdırıb. Ermənistan iqtisadiyyatı ikinci və üçüncü rüblərdə ikirəqəmli artım nümayiş etdirib, Gürcüstan iqtisadiyyatı isə 3-cü rübdə təxminən 10% artıb.
Tacikistana pul köçürmələri ilin birinci yarısında ən azı 50% artıb. Bu, dənizə çıxışı olmayan ölkənin iqtisadiyyatını əvvəlki proqnozlarla müqayisədə daha çox böyüməsi üçün zəmin yaradıb.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
11 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
11 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
12 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
12 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 13 saat əvvəl
- 13 saat əvvəl
-
13 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
13 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 15 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır
























