Yığımına start verilib, ikinci çörək boldur
Ağstafada kartof yığımına start verilib. Torpaq sahibləri elə ilk yığımdan nikbindirlər. Məhsulun bol olması onları növbəti mövsümdə kartof sahələrini artırmağa həvəsləndirir.
Vaxtında aparılan aqrotexniki qulluq, fermerlərin torpağa bağlılığı və bu sahəyə göstərilən dövlət qayğısı elə yığılan məhsulun bolluğundan müşahidə olunur. Torpaq sahiblərinin üzü gülür, çünki bu il sahələrdən ötən ilkindən xeyli çox kartof götürülür. Əvvəllər əsasən qərb bölgəsində Tovuz və Gədəbəydə kartof becərilirdisə, indi qonşu rayonlarda da bitkinin kütləvi becərilməsi həyata keçirilir. Ağstafada da kartofçuluq üzrə ixtisaslaşma gedir və təsərrüfatçıların bu sahədə təcrübəsi, səriştəsi getdikcə artmaqdadır. Qırılı kəndində traktorla yığımı aparılan kartof da həm məhsuldarlığı, həm də keyfiyyəti ilə seçilir.
Təsərrüfat sahibi Ülfət Zeynalabdıyev deyib: “Beş hektara yaxın sahədə kartof əkmişik. Keçən ilə nisbətən bu il məhsuldarlıq 20-30 faiz çoxdur. Ötən il hektardan 20 ton məhsul götürmüşdüksə, bu il 30 tona çatır. Gələcəkdə əkin sahələrini 10 hektara çatdıracağıq.”
Məhsul əl ilə yığıldıqda itkiyə məruz qalırdısa, indi bu proses texnikalarla həyata keçirilir. Kartofun satışında da problem yoxdur. Fermerlər elə sahədə alıcılar ilə sövdələşib məhsullarını satırlar. Eyni zamanda, yerli və paytaxt bazarlarına da satış üçün kartof göndərilir. Qeyd edək ki, vaxtilə bəzi sahələrdə kartof dəmyə üsulu ilə becərilirdi və məhsul da əldə etmək çətin olurdu. İndi isə müasir texnologiya - yağış yağdırma üsulu ilə kartof becərilir və məhsuldarlıq da sahibkarların ürəyincədir. Suvarmada çətinliyin yaşanmaması sonda məhsulun bolluğuna səbəb olur. Bu da fermerləri torpağa bağlayır, onların növbəti ildə daha geniş sahələrdə bu bitkinin becərilməsinə maraq yaradır.
© Azərtac
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır























