"Keçən il 20-25 qəpiyə satırdıq, bu il isə 30-40 qəpiyədir"
Cəlilabadda payızlıq kələmin yığımı davam edir. Bu vaxtadək sahələrdən 30 tonadək məhsul götürülüb. Ötən illərə nisbətən bu il satış qiyməti də fermerlərin ürəyincədir.
Rayonda iqtisadiyyatın əsasını taxılçılıq, üzümçülük təşkil etsə də, tərəvəzçiliyə də böyük önəm verilir. Əkin sahələrinin əksəriyyətini isə kartofçuluq əhatə edir. Ümumiyyətlə, hər il rayonda 6 min hektara yaxın tərəvəz yetişdirilir. Torpaq-iqlim şəraiti təkrar əkinlər üçün də çox əlverişlidir. Ən çox təkrar əkilən məhsullar xiyar, lobya, kartof, kələm və yerköküdür.
Kələm əkən təsərrüfatçılar sahələrə intensiv üsulla hər hektara 5-7 minədək şitil köçürürlər. Ardıcıl aqrotexniki qulluq nəticəsində təxminən hər hektardan 100-120 sentner məhsul götürülür.
Cəlilabadlı fermerlər bu mövsüm həyətyanı və pay torpaqlarında 20 hektardan çox payızlıq kələm yetişdiriblər. Onlardan biri də Şamil Əliyevdir. Deyir ki, keçən il 1 hektar, bu il isə 1,5 hektar sahədə kələm əkib: “Avqust ayında əkilir, sentyabrın axırında isə yığım prosesi başlayır. İndi kələm mövsümüdür. Keçən il 20-25 qəpiyə satırdıq, bu il isə 30-40 qəpiyədir. Satış pis deyil, bizi qane edir”.
Əsasən kəndlərdə yetişdirilən məhsulu fermerlər çox vaxt əkin sahələrinə yaxın yol kənarında asanlıqla sata bilirlər. Bu da məhsulun kənara daşınması üçün lazım olan xərclərin azalmasına səbəb olur.
Rayonda bu sahədə ötən il məhsuldarlıq 18 faiz çox olub. Mütəxəssislərin sözlərinə görə, son dövrlərə nisbətən ölkə üzrə kələm ixracında da ciddi artım var.
Cəlilabad Dövlət Aqrar İnkişaf Mərkəzinin sektor müdiri Mübariz Nadirov bildirib ki, hazırda sahələrdə bol məhsul var, yığım davam edir. Hektardan orta hesabla bu günə qədər 40 sentnerdən artıq məhsul götürülüb. Ümumilikdə, orta hesabla 60-70 sentner məhsuldarlıq gözlənilir. Yığılan məhsul yerli və qonşu rayonların bazarlarına çıxarılır.
İllik 12.99%-dən 40 000 AZN-dək zaminsiz komissiyasız kredit!
© Azərtac
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır

























