Fed-də fikir ayrılığı yaranıb- PROTOKOLLAR AÇIQLANDI
Fed protokolları: Fed balansın nə vaxt azaldılacağı məsələsində bölünmüş vəziyyətdədir
Fed-in iclas protokollarına görə, Fed-in pul siyasəti komitəsi bölünmüş vəziyyətdədir. Komitə üzvləri İyun ayında, olduqca böyük məbləğlərə çatmış balansı nə vaxt kiçiltməyə başlayacaqlarına dair (tarix məsələsində) razılığa gələ bilməyiblər.
"Marja" xəbər verir ki, Çərşənbə axşamı Vaşinqtonda açıqlanan 13-14 İyundakı Federal Açıq Bazar Komitəsinin (FOMC) iclasının protokollarına görə, "Bəzi şəxslər prosesin başlanacağı tarixin bir neçə ay ərzində elan edilməsinin" və digər bəziləri isə, qərarın ilin sonrakı dövrlərinə təxirə salınmasının tərəfdarıdır. İkincilər, iqtisadi fəallıq və inflyasiya mənzərənin dəyərləndirilməsi üçün əlavə vaxt qazanılmasını istəyirlər.
Fed-in pul siyasəti komitəsinin üzvləri, İyun ayında faizi bu il ikinci dəfə artırmış və 1 - 1.25 faiz aralığına qaldırmışdılar. Və etdikləri açıqlamada, pul siyasətini "ekspansionist" kimi xarakterizə etmişdilər.
Protokollara görə, rəsmi şəxslər, faizin mərhələli artırılmasının tərəfdarı olduqlarını qeyd ediblər.
Fed rəsmiləri sözügedən iclasda balans siyasətini yeniləyib və balansın azaldılmasının mərhələli olacağı şəklində bir yol müəyyən edib. ABŞ Mərkəzi Bankı, 4.5 trilyon dollara çatan balansı, uzunmüddətli faizləri sarsıtmadan azaltmağa başlamaq istəyərkən, siyasət faizini mərhələli yüksəltmək istəyir. Protokollar, Fed rəsmilərinin balansı kiçiltməyə bu il başlamaq istədiklərini göstərib.
İyun ayında Fed, xəzinə istiqrazlarında ödəmə vaxtı çatanları ilk əvvəl hər ay 6 milyard dollar azaldacağını, sonra 12 ay ərzində üç aydan bir bu məbləği aylıq cəmi 30 milyard dollara çatana qədər aylıq 6 milyard dollar artıracağını qeyd edib.
Özəl sektor və əmlak təminatı olan istiqrazlarda bu azaltma aylıq 4 milyard dollarla başlayacaq, 12 aylıq dövrdə, hər üç aydan bir, aylıq cəmi 20 milyard dollara çatana qədər, aylıq 4 milyard dollar artırılacaq.
Fed-in balansını azaltması dövriyyədəki Dollar kütləsinin bir hissəsini geri yığıması deməkdir. Bu prosesin başlaması Dolların bahalaşmasına təkan verə bilər.
Protokollar açıqlandıqdan sonra qlobal birjalarda Dollar bahalaşıb.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























