Bakıda ilk dəfə “Vergi və Mühasibatlıq Zirvəsi” keçiriləcək
Ölkəmizdə ilk dəfə fərqli formatda 11 mart 2023-cü il tarixində “Vergi və Mühasibatlıq Zirvəsi” (Tax and Accounting Summit) baş tutacaq.
Zirvənin vergi və mühasibatlıq sahəsi üzrə müzakirə, çıxış və sual-cavab hissələrindən ibarət olmaqla bütöv gün ərzində davam etməsi planlaşdırılır.
“Baku Marriott Boulevard” hoteldə 500-dən çox şirkət əməkdaşının, sahə üzrə mütəxəssislərin iştirakı ilə keçiriləcək tədbirin hədəfi mühasib peşəsinin gələcəyinin, mühasibatlığın şirkət strukturunda yerinin, yeni normalın yaratdığı qeyri-müəyyənlik halında bu peşəyə tələbin müzakirə olunduğu platforma rolunu oynamaqdır.
Zirvənin keçirilməsində əsas məqsədlərdən biri də yeniliyin innovativ həlləri diktə etdiyi, paralel olaraq qanunların yeniliyi izlədiyi dövrümüzdə mühasiblərin rolunun, təkcə mühasibatlıq və vergi ilə məhdudlaşmayan, həm də maliyyə, audit və idarəetmə kimi istiqamətlərin də əhatə olunduğu, sahibkarlar, mühasiblər, maliyyəçilər və digər əlaqəli şəxslər arasında təcrübə mübadiləsinin, maariflənmə və şəbəkələşmənin ön plana çıxdığı bir tədbir olmaqdır.
Zirvənin ana hədəf kütləsi kiçik və orta biznes subyektlərində çalışan mütəxəssislər, mühasib və vergilərdən məsul şəxslər, rəhbərlərdir. Azərbaycanda fəaliyyət göstərən şirkətlərdə çalışan 40 minə yaxın mühasibin əksəriyyəti KOB-larda çalışmaqdadır. O səbəbdən KOB-ların bu istiqamətdə maariflədirilməsinə, onları maraqlandıran məsələlərin müzakirə və həllinə ölkə iqtisadiyyatının inkişafı üçün daha çox ehtiyac var. KOB-larla yanaşı iri biznes vahidləri, holdinqlər, beynəlxalq şirkətlərdən spiker və iştirakçıların olması da nəzərdə tutulub.
Rəqəmlər biznesin özü, güzgüsüdür. Ritm isə ahəngdarlıq, müntəzəmlik, ölçü, ardıcıllıq və uzlaşmadır. Biznesin gedişatını, düz və səhvlərini rəqəmlərin ritmi müəyyən edir. Bütün bu gedişata, ahəngə və ritmə rəqəmlərlə toxunan, rəqəmləri hesabata toxuyan isə mühasibdir. Bir sıra aparıcı şirkətlərin, dövlət qurumlarının dəstəyi, tanınmış ekspert və mütəxəssislərin iştirakı ilə keçiriləcək “Vergi və Mühasibatlıq Zirvəsi”nin də məhz bu səbəbdən ana devizi “Rəqəmlərin Ritmi!”dir.
Rəqəmsallaşaraq böyüyən, qloballaşaraq bütünləşən müasir biznes modeli gələcəyin mühasibinə çağırış edir! Azərbaycanımızın ilk “Vergi və Mühasibatlıq Zirvəsi” məhz bu çağırışın nəticəsidir!
Qeyd edək ki, “Vergi və Mühasibatlıq Zirvəsi” illik ənənəvi bir çox biznes tədbirlərin təşkilatçısı “Facemark” və maliyyə, mühasibatlıq sahəsində öncül konsaltinq şirkətlərindən olan “Good Finance” şirkəti tərəfindən təşkil edilir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır
























