Bazarlar FED-in faiz qərarını gözləyir
Bazar ertəsi günortadan sonra dolların qiyməti avro və yen qarşısında müxtəlif istiqamətlərdə dəyişir. Bazarlar ABŞ Federal Ehtiyat Sisteminin (ABŞ Mərkəzi Bankı, FED) iclasının başa çatmasını gözləyir.
Marja xəbər verir ki, avro/dollar məzənnəsi əvvəlki bağlanışdan 1,053 dollardan 1,0570 dollara yüksəlib (Avro bahalaşıb, yen ucuzlaşıb). Dollar/yen məzənnəsi isə 136,56 yendən 136,75 yenə qalxıb (Dollar bahalaşıb, yen ucuzlaşıb). Dollar indeksi (ABŞ-ın ticarət tərəfdaşları olan altı ölkənin valyuta səbətinə nisbətdə məzənnə) 0,07% azalaraq 104,73 bənd təşkil edib.
Bazarlar ABŞ Federal Ehtiyat Sisteminin dekabrın 13-14-də keçiriləcək iclasını səbirsizliklə gözləyir. FED faiz qərarını elan edəcək və makroiqtisadi göstəriciləri yeniləyəcək. Mətbuat konfransında Mərkəzi Bankın sədri Cerom Pauel də çıxış edəcək.
CME Group-un məlumatına görə, ekspertlərin 74%-dən çoxu FED-in uçot dərəcəsini 50 baza bəndi artıracağını ehtimal edirlər. İndiyədək FED faizini 75 baza bəndi artırırdı. Beləliklə, FED-in faiz artırmaq tempini yavaşladacağıgözlənilir. Həmçinin çərşənbə günü, dekabrın 14-də Avropa Mərkəzi Bankı (AMB) və İngiltərə Bankının iclasları keçiriləcək. Ekspertlər hesab edirlər ki, hər iki tənzimləyici uçot dərəcəsini 50 baza bəndi artıraraq müvafiq olaraq 3,5% və 2,5%-ə çatdıracaq. Bundan əvvəl onlar dərəcələri 75 baza bəndi qaldırmışdılar.
Associated Press-in sitat gətirdiyi Mizuho Bankın analitikləri hesab edirlər ki, əsas mərkəzi bankların, o cümlədən FED-in iclasları, “xüsusilə də faizlərin artırılmasının səbəb olduğu inflyasiya riskləri və tənəzzül qorxuları arasında qəbul edilən gərginliyi nəzərə alsaq, potensial olaraq bazarlarda böyük volatilliyə səbəb ola bilər".
Bundan əlavə, investorlar ABŞ-da inflyasiya ilə bağlı statistik məlumatları gözləyirlər, onun dərci çərşənbə axşamı günü axşam saatlarında planlaşdırılır. Analitiklər hesab edirlər ki, noyabrda istehlak qiymətlərinin illik artımı oktyabrdakı 7,7%-dən 7,3%-ə enib. Beləliklə, rəqəm FED-in 2% hədəfindən xeyli yuxarı qalır. Eyni zamanda, ölkədə inflyasiya ardıcıl beşinci ayda da aşağı düşə bilər. ABŞ-da inflyasiya 9%-ədək sürətlənmişdi.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
11 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
11 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
12 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
12 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 13 saat əvvəl
- 13 saat əvvəl
-
13 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
13 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 15 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır

























