Azərbaycanın holdinq rəhbəri 3,5 milyon manat dələduzluqda və 1,6 milyon manat mənimsəmədə ittiham olunur

Azərbaycanın holdinq rəhbəri 3,5 milyon manat dələduzluqda və 1,6 milyon manat mənimsəmədə ittiham olunur

Prokurorluq: "Kat Holdinq"lə bağlı cinayət işində MİDA vəzifəli şəxslərinin iştirakı müəyyən edilməyib.

Azərbaycanın holdinq rəhbəri 3,5 milyon manat dələduzluqda və 1,6 milyon manat mənimsəmədə ittiham olunur

Baş prokuror yanında Korrupsiyaya qarşı Mübarizə Baş İdarəsində istintaq olunaraq baxılması üçün məhkəməyə göndərilmiş "Kat Holdinq" MMC-in təsisçisi və faktiki rəhbəri Ələkbərov Elçin Bəşir oğlunun Cinayət Məcəlləsinin 178.4, 179.4, 32.4, 312.1, 313 və 308.2-ci maddələri və həmin Cəmiyyətin direktoru İbadov Mail Məcid oğlunun CM-nin 179.4 və 308.2-ci maddələri ilə təqsirləndirilmələrinə dair cinayət işinə Bakı Ağır Cinayətlər Məhkəməsində baxılır.

Bu barədə Baş Prokurorluqdan bildirilib.

VTB-də minimal faiz dərəcəsi ilə nağd kredit 9.9%-dən

Həmin cinayət işi üzrə təqsirləndirilən şəxs Elçin Ələkbərova Litva Respublikası vətəndaşı Povilas Pociusa məxsus 3 milyon 520 min 763 manat (2.070.745 ABŞ dolları) məbləğində pul vəsaitlərinin ələ keçirilərək dələduzluq edilməsinə, habelə təqsirləndirilən şəxslər tərəfindən "Kat Holdinq" MMC-yə məxsus olmaqla onlara etibar edilmiş ümumilikdə 34 şəxs tərəfindən mənzil satışına görə ödənilmiş cəmi 1 milyon 900 min 128,68 manat məbləğində pul vəsaitinin 1 milyon 569 min 404,68 manatının mənimsənilməsinə və digər cinayət əməllərinə görə ittihamlar irəli sürülmüşdür.

Cinayət işi üzrə dəymiş ziyanın ödənilməsinin təmin edilməsi məqsədilə təqribən 5,9 milyon manat dəyərində əmlak üzərinə həbs qoyulmuş və hazırda dəymiş ziyanın ödətdirilməsi istiqamətində zəruri tədbirlər görülür.

Baş Prokurorluq bildirir ki, qeyd olunan cinayət işinin ibtidai istintaqı zamanı Azərbaycan Respublikasının Mənzil İnşaatı Dövlət Agentliyinin (MİDA) vəzifəli şəxslərinin həmin cinayət əməllərinin törədilməsində iştirakı, eləcə də Agentliyə məxsus pul vəsaiti və ya əmlakın ələ keçirilməsi halları müəyyən edilməmişdir.