(®) “Gələcək üçün yenilən” şüarı ilə 16 noyabr 2022-ci il tarixində “Baku Marriott Hotel Boulevard”da III Maliyyə və İnvestisiya Forumu baş tutub.

“Facemark” MMC və “Admedia” reklam agentliyinin təşkilatçılığı ilə 500 nəfərədək şirkət nümayəndələrinin iştirakı ilə baş tutan forum 3 panel və 14 spikerin iştirakı ilə öz işini uğurla yekunlaşdırıb.

Tədbir zamanı əvvəlcə Azərbaycan Respublikasının Dövlət Himni səsləndirilib və Azərbaycanın ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Forum KOBİA-nın İdarə Heyətinin sədri Orxan Məmmədovun açılış nitqi ilə başlayıb. Daha sonra “Baker Tilly” şirkətində biznes məsləhət xidmətləri üzrə direktor Niyazi Abbasovun moderatorluğu ilə "İnvestisiya Strategiyaları" paneli ilə davam edib.

Panel zamanı Asiya İnkişaf Bankının investisiyalar üzrə baş inzibatçısı Sənan Şabanov, "AzFinans İnvestisiya Şirkəti"nin direktoru İntiqam Səfərəliyev, Azərbaycan Beynəlxalq Bankının Kiçik və Orta sahibkarlarla iş departamentinin direktoru Nuru Xəlilov və Zoom vasitəsilə “PAŞA Kapital İnvestisiya Şirkəti” QSC-nin direktor müavini Ruslan Xəlilov öz təcrübələrini bölüşüblər. Panel sonunda iştirakçıların sualları spikerlər tərəfindən cavablandırılıb.

II panel zamanı "Caspian Business Solution" şirkətinin təsisçisi Emin İsmayılovun moderatorluğu ilə baş tutub. "Vergi və Hesabatlılıq" panelində İqtisadiyyat Nazirliyi yanında Dövlət Vergi Xidmətinin Vergi siyasəti Baş İdarəsinin rəisi Nicat İmanov, “KPMG Azərbaycan” şirkətinin vergi üzrə meneceri Ülvi Mehrəliyev, “PwC Avrasiya” şirkətinin texnologiyalar üzrə baş meneceri Fərid Qattal, "Good Finance" şirkətinin direktoru Vüsal Səlimov və "Accounting.Az" konsaltinq şirkətinin direktoru Ramin Ramazanov çıxış ediblər.

Forumun III paneli Finanzer MMC-nin təsisçisi Vüqar Poladovun moderatorluğu ilə baş tutub. "Maliyyələşmə Strategiyaları" panelində Asiya İnkişaf Bankının Özəl sektor əməliyyatları departamentinin investisiyalar üzrə baş mütəxəssisi David Urbaneja-Furelos, "AccessBank" QSC-nin İdarə Heyətinin üzvü İlkin Quliyev, Azərbaycab Respublikası Maliyyə Nazirliyi Aparatlnln Ortamüddətli xərclər çərçivəsinin hazırlanması mərkəzinin direktir müavini Rəşad Həsənov, “Paşa Holdinq” şirkətinin xəzinədarlıq və büdcələmə meneceri Əfqan Əfqanlı, “Accesbank”-ın idarə heyətinin üzvü İlkin Quliyev və “Azərbaycan Fintex Assosiasiyası”nın icraçı direktoru Azər Əkbərov maliyyə və investisiya sahəsinə aid fikirlərini bölüşüblər. Panel sonu iştirakçıları maraqlandıran suallar spikerlər tərəfindən cavablandırılıb.

Forumun sonunda iştirakçılara sertifikat təqdim olunub və lototron zamanı qalib gələn şəxslərə müxtəlif şirkətlər tərəfindən dəyərli hədiyyələr tədim olunub.