ABŞ şirkətləri Azərbaycanın turizm infrastrukturuna investisiya qoyuluşunda maraqlıdır
Azərbaycanla Amerika Birləşmiş Ştatları arasında turizm üzrə əməkdaşlıq imkanları oktyabrın 25-də Dövlət Turizm Agentliyinin sədri Fuad Nağıyevlə ABŞ-nin ölkəmizdəki müvəqqəti işlər vəkili Hüqo Qevara ilə görüş keçirilib.
Görüşdə Fuad Nağıyev Agentlik tərəfindən postpandemiya dövründə turizmin bərpası üzrə görülən tədbirlər, qurumun tabeliyindəki qoruqların ərazilərində son dövrlərdə aparılan bərpa və yenidənqurma işləri haqqında məlumat verib. O, Ali Baş Komandanın rəhbərliyi ilə şanlı Azərbaycan Ordusunun işğaldan azad etdiyi ərazilərin turizm potensialı və DTA tərəfindən Qarabağda aparılan qiymətləndirmələr əsasında hazırlanan layihələrdən bəhs edib.
Həmçinin Fuad Nağıyev regional turizmin inkişafının prioritet istiqamət olduğunu, 2019-cu ilin rəqəmləri ilə müqayisədə turizmin təxminən 50 faiz bərpa olunduğunu, hədəf bazarların xüsusiyyətləri nəzərə alınaraq müvafiq marketinq fəaliyyətləri həyata keçirildiyini bildirib.
ABŞ-nin ölkəmizdəki müvəqqəti işlər vəkili Hüqo Qevara Azərbaycanda zəngin tarixi-mədəni irs, təbiət, etnik və dini müxtəliflik, stabillik, çoxçeşidli turizm imkanları kimi amillərin mövcudluğunu, Azərbaycanın turizmin inkişaf etdirilməsi üçün geniş potensiala malik olduğunu qeyd edib. O, amerikan şirkətlərinin Azərbaycanın turizm infrastrukturuna investisiya qoyuluşunda maraqlı olduqlarını diqqətə çatdırıb. Müvəqqəti işlər vəkili Hüqo Gevara Azərbaycanda müasirlik və tarixiliyin uğurla vəhdət təşkil etdiyini vurğulayaraq amerikan turistlər arasında Azərbaycan haqqında məlumatlılığın artırılmasının vacibliyini bildirib.
Görüşdə birbaşa uçuşlar, beynəlxalq təşkilatlar çərçivəsində əməkdaşlıq, təcrübə mübadiləsi müzakirə edilib, eyni zamanda Dövlət Turizm Agentliyi ilə ABŞ Beynəlxalq İnkişaf Agentliyi ilə (USAID) “Özəl Sahibkarlığa Dəstək” layihəsi çərçivəsində əməkdaşlıq, xüsusilə kənd turizmi, aqroturizm və qastroturizm imkanlarının inkişafına yönəlmiş layihələr haqqında fikir mübadiləsi aparılıb.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır



























