Oktyabrın ilk günlərində rublun ucuzlaşmasının səbəbləri

Oktyabrın ilk günlərində rublun ucuzlaşmasının səbəbləri

Oktyabrın ilk günlərində rublun ucuzlaşmasının səbəbləri

Oktyabr ayında Rusiya rublu əsas valyutalar qarşısında ucuzlaşıb. Marja xəbər verir ki, bu gün dollar 63 rublu yenidən keçib. Moskva birjasında hərracların açılışında dolların məzənnəsi əvvəlki hərracların bağlanış səviyyəsi ilə müqayisədə 0,95% artaraq 63,29 rubl təşkil edib.

Rusiyalı iqtisadçıların sözlərinə görə, son zamanlar rublun möhkəmlənməsinin əsas amili əhəmiyyətli ticarət profisiti olmuşdu. Lakin idxalın tədricən canlanması ticarət balansının müsbət saldosunun azalmasına şərait yaradır, bu da milli valyutanın məzənnəsini zəiflədir. Hesablamalara görə, oktyabrda müsbət saldo 15-17 milyard dollar diapazonundan aşağı düşəcək.

VTB-də yüksək depozit faizləri daha çox qazandırır

Xarici valyutaya tələbin artması ilə yanaşı, Ukraynada vəziyyətin daha da gərginləşməsi də rublun zəifləməsinə səbəb olur, bunun da nəticəsində fiziki şəxslərin valyutaya tələbatı artır.

İqtisadçılar bunu da qeyd edirlər ki, bir neçə həftə ərzində, vergi dövrü yaxınlaşdıqca ixracatçıların valyuta satışı artacaq. Bu, rublun müəyyən qədər möhkəmlənməsi mərhələsinə gətirib çıxara bilər. Güman olunur ki, dollar vergi ödənişlərinin pik nöqtəsində 58-60 rubl zonasına qayıtmağa cəhd edə bilər.

Lakin rublun daha çox bahalaşması üçün geosiyasətlə bağlı gərginliyin zəifləməsi, qərb valyutalarının əldə edilməsinin daha da məhdudlaşması lazımdır.

Analitiklərin proqnozuna görə, oktyabrda dolların məzənnəsi 60-65 rubl zonasında qalmağa çalışacaq, eyni zamanda məzənnə 60 rubldan bir az aşağı da düşə bilər.

Qısası, son günlər rubl daha çox geosiyasi amillər fonunda dollara və avroya nisbətən ucuzlaşıb, Yaxın günlərdə də dinamikanın geosiyasi vəziyyətlə müəyyənləşəcəyi bildirilir. Bununla belə, rublun ucuzlaşmasını neft qiymətlərinin artması məhdudlaşdıra bilər.

11.10.2022 08:46

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az