“Süd vəzisi xərçəngi ilə mübarizə ayı” çərçivəsində regionlarda profilaktik müayinə və maarifləndirmə aksiyalarına start verilib

“Süd vəzisi xərçəngi ilə mübarizə ayı” çərçivəsində regionlarda profilaktik müayinə və maarifləndirmə aksiyalarına start verilib

“Süd vəzisi xərçəngi ilə mübarizə ayı” çərçivəsində regionlarda profilaktik müayinə və maarifləndirmə aksiyalarına start verilib

Səhiyyə Nazirliyi, Tibbi Ərazi Bölmələrini İdarəetmə Birliyi (TƏBİB), Milli Onkologiya Mərkəzi (MOM) və “Regional İnkişaf” İctimai Birliyinin (RİİB) birgə təşkilatçılığı ilə “Süd vəzisi xərçəngi ilə mübarizə ayı” çərçivəsində regionlarda profilaktik müayinə və maarifləndirmə aksiyalarına start verilib.

“Hər kəs bilsin, həyat davam etsin!” devizi altında ilk olaraq oktyabrın 7-də Gəncə şəhər Onkoloji Xəstəxanasında Milli Onkologiya Mərkəzinin mütəxəssisləri tərəfindən qadınlar arasında süd vəzisi xəstəlikləri üzrə profilaktik müayinələr aparılıb.

Müayinələr ümumilikdə 150-dən çox sakini əhatə edib. Müayinələrin nəticələri əsasında xəstəlik riski olanlar daha geniş diapazonlu müayinə üçün Milli Onkologiya Mərkəzinə dəvət edilib, digər patologiya aşkar olunan xəstələr isə ixtisaslaşmış tibb müəssisələrinə yönləndirilib. Həmçinin, qadınlarla profilaktik söhbət aparılıb, yerində məsləhətlər verilib.

Layihənin davamı olaraq oktyabrın 8-də Gəncədə Heydər Əliyev mərkəzində “Süd vəzisi xəstəliklərinin müasir müayinə və müalicəsi“ mövzusunda elmi-praktik konfrans keçirilib. Konfransda Səhiyyə Nazirliyi, Tibbi Ərazi Bölmələrini İdaretmə Birliyi, Milli Onkologiya Mərkəzinin mütəxəssisləri, eləcə də Gəncə şəhəri, Goranboy, Göygöl, Samux, Gədəbəy, Daşkəsən, Şəmkir, Tovuz, Ağstafa, Qazax və Naftalan rayonlarında çalışan 100-ə yaxın onkoloq, ginekoloq, uroloq və cərrah iştirak edib.

Konfransda çıxış edənlər ölkədə onkologiya sahəsində həyata keçirilən tədbirlər, əldə olunan nəticələr, erkən müayinələrin və maarifləndirmə işlərinin əhəmiyyətindən danışmış, “Süd vəzisi xəstəliklərinə müasir yanaşma”, “Süd vəzisi xərçənginin onkoplastik və rekonstruktiv cərrahiyyəsi”, “Trofoblastik xəstəliklər”, “Süd vəzisi xərçənginin müasir müalicə prinsipləri” və digər mövzularda maraqlı təqdimat və məruzələri dinlənilmişdir. Tədbirin yekununda iştirakçılara sertifikatlar təqdim olunub.

Kampaniyaya 15-16 oktyabr tarixlərində Şirvan şəhərində davam ediləcək.

süd-vəzisi xərçəng müayinə maarifləndirmə onkoloji Milli Onkologiya Mərkəzi

08.10.2022 18:37

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az