"Azərbaycanda 45 yaşdan yuxarı şəxslərin iş tapmaq imkanı azalır"

"Azərbaycanda 45 yaşdan yuxarı şəxslərin iş tapmaq imkanı azalır"

"Azərbaycanda 45 yaşdan yuxarı şəxslərin iş tapmaq imkanı azalır"

“20-25 yaş arasında hər 25 nəfərdən biri iş tapa bilir”.

Bunu Əmək Bazarı və Sosial Müdafiə Məsələləri üzrə Milli Observatoriyanın İdarə Heyəti sədrinin müavini Sənnur Əliyev deyib.

O bildirib ki, Azərbaycanda ortalama maaş 713 manatdır:

“Qonşularımızla müqayisə aparsaq görərik ki, bu, normal bir rəqəmdir. Maaş demoqrafik olaraq qeyri-bərabərdir, qadınlar və kişilər arasında fərqlidir. Kişilərin ortalama əməkhaqqı daha çoxdur. Azərbaycanda əmək bazarında işəgötürənlərin tələb etdiyi ortalama yaş 33-dür. 45 yaşdan yuxarı şəxslərin iş tapmaq imkanı azalır”.

Sədr müavini qeyd edib ki, iş elanlarının 20 %-də yaş kateqoriyası göstərilməyib:

“Lakin xanımlarda tələb olunan ortalama yaş 30-dur. Kişilərdə isə 35-dir. Əmək bazarına yeni daxil olan 20-25 yaş arası şəxslərin iş tapma ehtimalı 4.6%-dir. Yəni hər 25 nəfərdən biri iş tapa bilər”- o bildirib.

Əmək Bazarı və Sosial Müdafiə Məsələləri üzrə Milli Observatoriyanın İdarə Heyəti sədrinin müavini Sənnur Əliyev bildirib ki, “İşə götürən şirkətlərin baş ofisləri əsasən Bakıdadır, bu səbəbdən işəgötürənlərin 92 %-i paytaxtda cəmləşib”.

Onun sözlərinə görə, daha sonra Abşeron yarımadası, Sumqayıt şəhəri 1.2 % ilə önə çıxır:

“Digər şəhərlərimizdə isə işəgötürənlərin əmsalı 1% ətrafında dəyişir”.

Sədr müavini qeyd edib ki, işaxtaranların ixtisasları ilə təhsili arasında tərs mütənasiblik var:

“Azərbaycanda ali təhsilli məzunlar öz ixtisasları üzrə iş tapmaqda çətinlik çəkirlər. Məzun olduqdan sonra mütləq hansısa beynəlxalq sertifikasiya proqramına cəlb olunurlar, bundan sonra aidiyyəti üzrə iş tapmaq ehtimalları artır. Bu gün iqtisadiyyat, maliyyə, biznesin idarə edilməsi ixtisasından məzun olan minlərlə tələbə var. Lakin reallığa baxsaq ölkəmizdə bu sahədə kifayət qədər iş yeri varmı? Yox. Nəticə etibarı ilə onlar fərqli sahələrə yönəlirlər. Məzunlarımızın, işaxtaranların ixtisasları ilə təhsili arasında tərs mütənasiblik var”.

İllik 13.99%-dən 40 000 AZN-dək zaminsiz komissiyasız kredit!

07.10.2022 13:52

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az