(®) Qadınların Səlahiyyətlərinin Genişləndirilməsi Prinsiplərini (WEPs) imzalayan şirkətlərin nümayəndələri Tiflisdə bir araya gəlib. Nümayəndələr təmsil etdikləri şirkətlərdə gender bərabərliyi ilə bağlı məsələləri müzakirə ediblər. Sessiya “Men Talking to Men” formatında, yəni yalnız kişi iştirakçılardan ibarət olub. 

AccessBank-ı seminarda Mikro və KOBM üzrə İcraçı Direktor Renat Hümbətov təmsil edib: ”AccessBank olaraq, Azərbaycanda mikromaliyyələşdirmə sahəsinin inkişafına xüsusi önəm veririk. Son illər sahibkar qadınların sayının artması həm də sırf kişilərdən ibarət olan mikro və aqro komandamıza yeni qadın əməkdaşlarım cəlbini sürətləndirir. Hazırda az sayda qadın əməkdaşımız olsa da, onlar bu işdə kişilərdən daha fəal və irəlidədirlər. Ümid edirəm ki, qadınlarımız həm sahibkarlıqda, həm də mikromaliyyələşdirmə istiqamətində daha da aktivləşəcək və Qadınların Səlahiyyətlərinin Genişləndirilməsi Prinsiplərinin daha çox tətbiq olunmasına və effektivliyinin yüksəlməsinə yardımçı olacaqlar.”

Qeyd edək ki, BMT-nin Qlobal Sazişi və Qadınlar üzrə Agentliyi tərəfindən hazırlanan Qadınların Səlahiyyətlərinin Genişləndirilməsi Prinsipləri şirkətləri beynəlxalq əmək və insan hüquqları standartları barədə məlumatlandırır və müəssisələri gender bərabərliyi və qadınların səlahiyyətlərinin artırılmasına dəvət edir.  

BMTİP-in Azərbaycanda icra etdiyi “Cənubi Qafqazda Qadınların İqtisadi Səlahiyyətlərinin Artırılması, Mərhələ 2” layihəsinin çərçivəsində hazırda 13 şirkət Qadınların Səlahiyyətlərinin Genişləndirilməsi Prinsiplərinə qoşulub. AccessBank bu prinsiplərə dəstək olan ilk yerli bankdır. 

AccessBank Azərbaycanda mikromaliyyələşdirmə lideri olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 15-i Bakıda, 14-ü bölgələrdə olmaqla, 29 filialı fəaliyyət göstərir. Bankın xidmətləri haqqında məlumat əldə etmək üçün 151 əlaqə mərkəzinə zəng etmək, həmçinin www.accessbank.az saytına, və ya bankın sosial şəbəkələrdə (Facebook, Instagram, LinkedIn) hesablarına daxil olmaq olar.