Astana Hub və Google for Startups tərəfindən birgə həyata keçirilən Silkway Accelerator proqramının ilk mərhələsi müsbət nəticələr verib.

Marja.az xəbər verir ki, Azərbaycandan olan startap - Tripsome proqramda iştirak etmək hüququ qazanıb.

Proqram iştirakçıları unikal ustad dərslərində iştirak edə biləcəklər, ən yaxşı Google ekspertlərindən, təcrübəli "Astana Hub" mentorlarından ödənişsiz dəstək alacaqlar. 

Azərbaycan startapı "Tripsome" asudə vaxtın əyləncəli keçirilməsi üzrə xidmətlər təklif edən kiçik bizneslərə onlayn satışda kömək edir. "Tripsome"ın saytından hobbilər kəşf edib ona qoşulmaq olar. Bu hobbilər paintballdan at sürməyə, keramika sənətindən tutmuş dalğıc sənətini öyrənməyə qədər geniş çeşiddədir.

"Tripsome" məqsədi partnyorların köməyilə insanlara sevinc anları yaratmağa və yaşamağa ruhlandırmaq və onları unudulmaz xatirələrə çevirməkdir.

Tripsome şirkətinin baş direktoru Cəsur Həsənov öz nailiyyətlərini bölüşür: “Proqramın 2 həftəsindən sonra Qazaxıstanda ilk işçimizi işə qəbul etdik, artıq 5 operatorla (xidmətlər təklif edən kiçik biznes) platformamıza qoşulmaq üçün razılığa gəlmişik, bu həftə müqavilə imzalayırıq. Biz artıq 200-ə yaxın potensial operatoru müəyyən etmişik və onlar ilə danışıqlara başlamışıq. Biz 2 həftədən sonra Qazaxıstanda fəaliyyətə başlayacağıq”.

Qeyd edək ki, proqramın ilk mərhələsinə iyulun 8-də start verilib və startapların hazırlığı sentyabrın sonuna kimi davam edəcək. İlk mərhələ üçün Qazaxıstan, Qırğızıstan, Azərbaycan, Monqolustan və Tacikistandan  ən yaxşı 15 layihə seçilib.

Astana Hub iştirakçılara yaşayış və işləmək üçün məkan təqdim edir. Onlar biznes proseslərini, tərəfdaşlıq və işi necə səmərəli qurmağı, investisiya cəlb etməyi öyrənirlər.  Həmçinim startaplar "Seed Money" proqramı çərçivəsində 25 milyon tengəyə qədər maliyyələşmə üçün müraciət edə bilərlər.

Google for Startups və Astana Hub-dan Silkway Accelerator birgə proqramı Mərkəzi Asiya üçün nəzərdə tutulub. Birinci mərhələ artıq yaxşı nəticələr göstərdiyindən  Astana Hub qlobal şirkətlə tərəfdaşlığını davam etdirərək startaplara birgə kömək etmək üçün ikinci mərhələni elan edib.

"Startaplara bu unikal fürsətdən yararlanmağı və  fəal şəkildə müraciət etməyi tövsiyə edirəm”, - Astana Hub-ın İnkişaf və İxrac üzrə İdarəedici Direktoru Abay Absamet bildirib.

Silkway Accelerator proqramının ikinci axını sentyabrın 2-də başlayacaq. Seçim prosesində Mərkəzi Asiya, Azərbaycan və Monqolustan startapları iştirak edə bilər. Layihələr Mərkəzi Asiya ölkələrindən ekspertlərin və Google Developers şirkətinin nümayəndələrinin daxil olduğu xüsusi komitə tərəfindən qiymətləndirilir. Təlim Nur-Sultanda oflayn rejimdə keçiriləcək və 3 ay davam edəcək.

Müraciət üçün son tarix - 21 avqustdur. Silkway Accelerator-da iştirak üçün müraciətlər avqustun 21-dək - https://astanahub.com/l/silkway-accelerator linkində qəbul edilir. Azərbaycandan olan startaplar da iştirak edə bilər.