“Buta-Group”un aqroparkında hər hektar üzrə orta məhsuldarlıq 40-45 ton kartof təşkil edir
İqtisadi Zonaların İnkişafı Agentliyinin (İZİA) təşkilatçılığı ilə kartof yığımına başlanılması ilə əlaqədar “Buta-Group” MMC-nin İsmayıllı rayonunda yerləşən aqroparkına və Qazax rayonunda əmtəəlik kartof təsərrüfatı sahəsinə media nümayəndələrinin tanışlıq səfəri təşkil olunub.
Media nümayəndələrinə bildirilib ki, İZİA-nın idarəçiliyində olan “Buta-Group” MMC-nin İsmayıllı rayonunun Kürdmaşı kəndində yerləşən aqroparkının ümumi ərazisi 224 hektardır və aqropark kartof toxumçuluğu üzrə ixtisaslaşıb. Aqroparkda gücü saatda 40 ton olan kartofun təmizlənməsi, çeşidlənməsi və qablaşdırılması xətti qurulub, ümumi tutumu 9700 kubmetr olan soyuducu anbar kompleksi yaradılıb.
2021-ci ildə aqroparkda 7 min ton kartof, 150 ton arpa və buğda istehsal edilmişdirsə, 2022-ci ilin ötən dövründə 283 ton buğda və 257 ton arpa məhsulu əldə edilib. Arpa üzrə orta məhsuldarlıq 3,5 ton, buğda üzrə isə 6 ton olub. Bu il aqroparkın 42 hektarında toxumluq kartof əkilib və yaxın günlərdə məhsulun yığımına başlanılacaq.
KİV nümayəndələri “Buta-Group” MMC-nin Qazax rayonun II Şıxlı kəndində yerləşən əkinçilik təsərrüfatında aparılan əmtəəlik kartof yığımı prosesi ilə də tanış olublar. Diqqətə çatdırılıb ki, əkin sahələrinin hər hektarı üzrə orta məhsuldarlıq 40-45 ton kartof təşkil edir. Aqroparkda əsasən Almaniyadan gətirilmiş Bernina, Colomba, Çelencer kartof toxumları əkilib. 42 nəfərin daimi, 260 nəfərin isə mövsümi işlə təmin edildiyi aqroparkda 11 ədəd texnika və 37 ədəd aqreqat mövcuddur. İqtisadiyyat Nazirliyi tərəfindən verilmiş investisiya təşviqi sənədinə əsasən, aqropark texnika, texnoloji avadanlıqlar və qurğuların idxalına görə 390 min manata qənaət edib. İndiyədək aqroparka 10 mln. manatdan çox investisiya yatırılıb.
Qeyd edək ki, hazırda respublikanın 32 rayonu üzrə 240 min hektar ərazidə ümumi layihə dəyəri 2,4 milyard manat olan 51 aqroparkın yaradılması üzrə işlər davam etdirilir.
Aqroparkların 34-ü bitkiçilik, 14-ü bitkiçilik və heyvandarlıq, 1-i heyvandarlıq, 2-si isə emal sənayesi üzrə ixtisaslaşıb. Sözügedən aqroparklardan 44-ü artıq fəaliyyətə başlayıb, digərlərində isə layihələndirmə və ya tikinti işləri aparılır. Aqroparkların yaradılması kənd təsərrüfatı sahəsində elmi yanaşma və qabaqcıl texnologiyanın tətbiqi, məhsuldarlığın artırılması və maya dəyərinin aşağı salınması, ölkədə ərzaq təhlükəsizliyinin təmin edilməsi, idxaldan asılılıq səviyyəsinin azaldılması və ixrac potensialının artırılması ilə yanaşı, əhalinin məşğulluq səviyyəsinin yüksəldilməsinə mühüm töhfə verir.
Dövlət tərəfindən aqroparkların yaradılmasında və inkişafında hərtərəfli dəstək tədbirləri həyata keçirilir. Bu çərçivədə indiyə qədər 25 aqroparka fəaliyyətinin qurulması və genişləndirilməsi üçün 184 mln. manat dövlət güzəştli kredit vəsaitləri ayrılmış, investisiya təşviqi sənədi almış 26 aqropark texnika, texnoloji avadanlıqlar və qurğuların idxalına görə 39.8 mln. manat qənaət (gömrük rüsumu və ƏDV) əldə edib.
Aqroparkların yaradılması ölkədə yeni iş yerlərinin açılmasına böyük töhfə verir. Hazırda aqroparklarda ümumi olaraq 4 491 nəfər daimi, 6 303 nəfər isə mövsümü işlə təmin olunub, gələcəkdə əlavə 5 000-dən çox iş yerinin yaradılması nəzərdə tutulur.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır
























