FED faizini bir daha kəskin artırdı

FED faizini bir daha kəskin artırdı

FED faiz dərəcələrini artırmağa davam edir.

ABŞ Federal Ehtiyat Sistemi (ABŞ Mərkəzi Bankı - FED) iki gün davam edən yığıncağının ardından faiz qərarını açıqladı.

Marja.az xəbər verir ki, gözlənildiyi kimi, FED faiz dərəcəsini 75 faiz bəndi artıraraq 1,50% -1,75% aralığından 2.25%-2.50% aralığına yüksəldib.

VTB-də yüksək depozit faizləri daha çox qazandırır

FED iyun ayında da faizini 75 bənd artıraraq 1,50-1,75 faiz aralığına çatdırmışdı. İyun və İyul yığıncaqlarında 150 faiz bəndi artımlar 1980-ci illərin əvvəllərindən bəri ən kəskin sərtləçdirmə hərəkəti olaraq qeydə alınıb.

Qərar yekdilliklə qəbul edilib.

Qərarın mətnində FED-in inflyasiya risklərinə çox diqqətli olduğu mesajı yenilənib. Bildirilib ki, Federal Açıq Bazar Komitəsinin (FOMC) inflyasiya üzrə 2 faizlik hədəfə qayıtmaq üçün güclü öhdəliyi var.

FED, faiz artırmağa davam etməyin məqsədəuyğun olacağını təkrarlayıb.

Fed-in təqib etdiyi inflyasiya göstəricisi olan fərdi istehlak qiymətləri indeksi (PCE) may ayında 6,3 faiz artaraq, 2 faizlik inflyasiya hədəfini çox üstələyib. Əsas inflyasiyası da iyun ayında 9,1%-ə yüksəlib.

FED-in faiz dərəcələrini ilin sonuna qədər təxminən 3,5 faizə çatdıracağı və 2023-cü ilin ikinci yarısında aşağı salmağa başlayacağı gözlənilir.

Bloomberg-in sorğusuna qatılan iqtisadçılar yaxın 12 ayda tənəzzül (böhran) gözləyirlər. FED-in iqtisadiyyatı tənəzzülə uğratmadan inflyasiyanı azaldacağı ehtimalı “aşağı” olaraq qiymətləndirilir. Qeyd edilir ki, FED-in inflyasiyanı cilovalamaq üçün faiz artırması daxil şərtləri sərtləşdirməsi vəsait cəlb etməyi bahalaşdıracaq, tələbi azaldacaq və nəticədə böhran qaçılmaz olacaqdır.

Bank of America-nın ABŞ-ın baş iqtisadçısı Maykl Qapen 2022-ci ilin ikinci yarısında mülayim tənəzzülün (böhranın) başlayacağını proqnozlaşdırıb.

27.07.2022 22:00

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az