Bayrağımızın dalğalandığı ilk Dünya Çempionatı - FOTO, VİDEO

Bayrağımızın dalğalandığı ilk Dünya Çempionatı - FOTO, VİDEO

METAK şirkətinin İcraçı direktoru Aydın Kərimov "Ironman" Dünya çempionatında bayrağımızı dalğalandıran Azərbaycanın ilk təmsilçisi olub.

Bayrağımızın dalğalandığı ilk Dünya Çempionatı - FOTO, VİDEO

Bu ilin may ayında Ironman üzrə növbəti Dünya Çempionatı keçirilmişdir.

Pandemiya səbəbindən yarışın baş tutduğu ərazi Havay adalarının Koni şəhərindən Sent Corc şəhərinə köçürülmüşdür. Həmin şəhərdə may ayında suyun 14-15 dərəcə soyuq olması, velosipedlə 2200 metr, qaçışda isə 500 metr yüksəlmə bu çempionatı Ironman tarixindəki ən çətin yarış hesab edilməsinə səbəb olub.

Bunlarla yanaşı, günəşin yandırıcı şüaları qaçışı və velosiped sürməyi daha da mürəkkəbləşdirmişdir. Ağır şərtlərinə baxmayaraq, Aydın Kərimov Ironman Dünya çempionatındakı tam məsafəni başa vurub bayrağımızı dalğalandıran Azərbaycanın ilk təmsilçisi olub.

Ümumilikdə Ironman yarışının tam məsafəsi 3,8 kilometr üzgüçülük, 180 kilometr velosiped yürüşündən və 42,2 kilometr qaçışdan ibarətdir. Məhz bu səbəbdəndir ki, yarışa verilmiş 3800 ərizəyə baxmayaraq yalnız 2800 iştirakçı qoşula bilib və onların 20%-i missiyanı tamamlaya bilməyib, digər yarışlarda isə bu göstərici 7%-ə bərabər olurdu. Aydın bu yarışın öhdəsindən 14 saat 15 dəqiqədə gəlməyi bacarmışdır. Bu yarışla birlikdə o, üç dəfə Ironman titulunu qazanmışdır: Barselonada keçirilən ilk yarışı 10 saat 50 dəqiqədə, Tallindəki digər yarışı isə 11 saat 53 dəqiqədə tamamlamışdır.

Aydin Kərimov təkcə Ironman marafonlarında iştirak etmir, həm də triatlonu fəal şəkildə təbliğ edir. Aydın METAK şirkətinin İcraçı direktoru olması ilə yanaşı həmdə çoxsaylı azərbaycanlı triatlonçuları birləşdirən AlphaTriClub-u yaradıb. Klub ölkəmizdə triatlon idman növünü böyüklər və uşaqlar arasında təbliğ edir və yarışlar təşkil edir. Biz Azərbaycan təmsilçisinin triatlon kimi yeni idman növündə iştirakı ilə fəxr edir və millilərimizin sayının dünya çempionatlarında artmasına inanırıq.

https://www.instagram.com/aydin.karimov/

https://www.facebook.com/Karimov.Aydin

https://www.youtube.com/c/AydinKarimov28

08.06.2022 18:00

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az