Yen "qan itirməkdə" davam edir

Yen "qan itirməkdə" davam edir

Bu həftə qlobal bazarların gündəmlərindən biri olan Yaponiya yeninin ucuzlaşması davam edir. Yen dollara nisbətdə 20 illik rekordunu yeniləyib.

Yaponiya hakimiyyətini təşvişə salan milli valyutanın ucuzlaşması davam edir.

Marja xəbər verir ki, bu gün yen dollara nisbətdə erkən ticarətdə 0,5 faiz ucuzlaşaraq son 20 ilin ən aşağı səviyyəsinə çatıb. Dollar/yen məzənnəsi 133 yen səviyyəsini keçib.

VTB-də yüksək depozit faizləri daha çox qazandırır

Yenin 10 valyutaya qarşı gücünü ölçən Bloomberg indeksi də son 7 ilin ən aşağı səviyyəsini görüb.

Yapon hakimiyyətinin gündəmində yenin ucuzlaşması əsas yer tutur.

Maliyyə naziri Shunichi Suzuki, "Məzənnələrin sabit qalması və iqtisadi əsasları əks etdirməsi vacibdir. Hökumət valyuta məzənnələrinin hərəkətlərini və Yaponiya iqtisadiyyatına təsirlərini yaxından izləyir" deyib.

Hökumət sözçüsü Hirokazu Matsuno gündəlik mətbuat konfransında yenin ucuzlaşmasının iqtisadiyyata təsirlərini izlədiklərini söyləyib.

Digər inkişaf etmiş ölkələrdən fərqli olaraq Yaponiya Mərkəzi Bankı (BoJ) yumuşaq pul siyasətini davam etdirdiyindən yen ucuzlaşır.

Yenin ucuzlaşmasının səbəbi Yaponiya Mərkəzi Bankının yumşaq pul siyasətini davam etdirməsi, iqtisadiyyatı canlandırmaq üçün kredit faizini faktiki olaraq mənfi səviyyədə saxlamasıdır. Eyni zamanda, ABŞ və Avropa İttifaqı maliyyə orqanları inflyasiyanın qarşısını almaq üçün kredit şərtlərini sərtləşdirirlər. ABŞ və Aİ-də məzənnələrin artması dollar və avro ilə ifadə olunan maliyyə alətlərinə investisiya qoyuluşunu daha sərfəli edir və bu valyutaya tələbin artmasına səbəb olur.

Yaponiya Mərkəzi Bankının sədri Haruhiko Kuroda bu həftə Yaponiya parlamentində etdiyi çıxışda aşağı faiz siyasətinin davam edəcəyini bildirib.

Kuroda, "BOJ güclü yumuşaq pul siyasətilə iqtisadi fəallığı dəstəkləməyə davam edəcək" deyib.

Milli valyutanın ucuzlaşması yapon ixracatçıları üçün sərfəli olsa da, idxal olunan malların, o cümlədən enerji resurslarının və ərzaq məhsullarının qiymətlərinin artmasına səbəb olur.

08.06.2022 07:54