"AQTA yalan deyir, bizim mətbəxdən gül iyi gəlir"

"AQTA yalan deyir, bizim mətbəxdən gül iyi gəlir"

"AQTA yalan deyir, bizim mətbəxdən gül iyi gəlir"

Xəbər verdiyimiz kimi, Azərbaycan Qida Təhlükəsizliyi Agentliyinin (AQTA) əməkdaşları daxil olan müraciət əsasında Bakı şəhəri, Səbail rayonu, Mehdi Hüseyn küç., ev 88, m.5 ünvanında yerləşən, fiziki şəxs Əhmədov Sabir Faiq oğluna məxsus “Xəngəland” restoranında apardığı plandankənar yoxlama zamanı qida təhlükəsizliyi sahəsində normativ hüquqi aktların tələblərinə əməl olunmadığı məlum olub.

AQTA-nın yaydığı əlumata görə, müəssisənin mətbəx sahəsində texnoloji ardıcıllıq prinsipinin pozulduğu, xammalın qəbulu və saxlanılması, yeməklərin hazırlanmasının eyni sahədə həyata keçirildiyi, həmçinin işçi heyətin xüsusi geyimlə təmin edilmədiyi, müəssisədə müvafiq təmizlik işlərinin aparılmadığı və digər nöqsanlar aşkar olunub.

Aşkar edilmiş pozuntularla bağlı müəssisə rəhbərliyi inzibati məsuliyyətə cəlb edilib. Müəssisədə işlərin görülməsinin, xidmətlərin göstərilməsinin dayandırılmasına dair məhdudlaşdırıcı tədbirlərin tətbiqi barədə qərar qəbul edilib.

"XƏNGƏLAND"DAN AÇIQLAMA

“Xəngəland” restoranının sahibi olduğunu bildirən Sabir Əhmədov Marja.az ilə əlaqə saxlayaraq Azərbaycan Qida Təhlükəsizliyi Agentliyinin (AQTA) yaydığı məlumata münasibət bildirdi.

O qeyd etdi ki, AQTA tərəfindən adı çəkilən restoranda yoxlama aparılmayıb, dövlət qurumunun əsassız məlumatı restoranın imicinə mənfi təsis göstərir:

"Biz AQTA-nın məlumatına təəcübləndik. Azərbaycan Qida Təhlükəsizliyi Agentliyi tərəfindən “Xəngəland” restoranında yoxlama aparılmayıb. Yayılan məlumat həqiqətəuyğun deyil. Bizim mətbəxdən "gül tökülür", gül iyi gəlir. AQTA-nın xəbər saytlarına göndərdiyi fotolar bizim köhnə məkanda 2018-ci ildə çəkilib. Axundov bağının yaxınlığında yerləşən həmin məkan artıq fəaliyyət göstərmir".

Sabir Əhmədov əlavə etdi ki, insanlar “Xəngəland” restoranında yer tutmaq üçün növbə gözləyirlər. Bu fakt restoranın təmizliyinə, yüksək xidmətinə və təqdim etdiyi qidaların dadlı hazırlandığına işarədir.

03.06.2022 17:17

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az