“Naxçıvanda rəqəmsal ödənişlərin cari vəziyyəti və strateji istiqamətlər” mövzusunda tədbir keçirilib
“2019-2022-ci illərdə Naxçıvan Muxtar Respublikasında rəqəmsal ödəniş xidmətlərinin tətbiqinin və nağdsız hesablaşmaların genişləndirilməsi üzrə Proqram”a, həmçinin Azərbaycan Respublikası Mərkəzi Bankının “2021-2023-cü illər üçün Rəqəmsal Ödəniş Strategiyası”na uyğun olaraq Azərbaycan Respublikası Mərkəzi Bankının Naxçıvan Muxtar Respublikası İdarəsinin təşkilatçılığı ilə 27 may tarixində “Naxçıvan” Universitetinin müəllim və tələbə kollektivi üçün maarifləndirici tədbir keçirilmişdir.
Mərkəzi Bankın Naxçıvan İdarəsinin yaydığı məlumatda bildirilir ki, tədbiri giriş sözü ilə açan “Naxçıvan” Universitetinin rektoru Nurlana Əliyeva tədbirin təşkilatçılarına və təlimçilərə öz təşəkkürünü bildirmiş, tədbirin həyata keçirilməsinin məqsədinin universitetin müəllim və tələbə heyətinin ödəniş alətlərindən istifadəyə olan marağını daha da artırmaq, nağdsız hesablaşmaların artırılmasına və alıcılıq mədəniyyətinin daha da yüksəlməsinə təkan vermək, onların elektron ödəniş xidmətlərindən daha aktiv istifadəyə təşviq edilməsində mühüm rol oynadığını qeyd etmişdir.
Daha sonra çıxış edən Azərbaycan Respublikası Mərkəzi Bankının Naxçıvan Muxtar Respublikası İdarəsinin sədri Elçin Əliyev muxtar respublikada 2013-cü ildən rəqəmsal ödənişlərin inkişafı ilə bağlı bugünədək 3 dövlət proqramının icra olunduğunu, ödəniş alətləri infrastrukturunun genişləndirildiyini, cəmiyyətdə nağdsız ödənişlərə marağın cəlb edilməsi məqsədilə müxtəlif dövrlərə aid dövlət qurumları ilə birgə maarifləndirici tədbirlərin, stimullaşdırıcı kampaniyaların keçirildiyini və nəticə etibarilə nağdsız dövriyyənin həcminin əhəmiyyətli dərəcədə artdığını bildirmişdir. Bundan sonra da rəqəmsal ödənişlərlə bağlı ictimai məlumatlılığın və inamın artırılması məqsədilə muxtar respublikada maarifləndirmə və təbliğat işlərinin mütəmadi olaraq davam etdiriləcəyini qeyd etmişdir.
Tədbirə videoformatda qoşulan Azərbaycan Respublikası Mərkəzi Bankının baş direktoru Fərid Osmanov ölkə ərazisində ödəniş sistemlərinin sabit, etibarlı, təhlükəsiz fəaliyyətinin təşkili, əlaqələndirilməsi, tənzimlənməsi və nəzarəti, habelə müasir trendlər nəzərə alınmaqla davamlı olaraq inkişaf etdirilməsinin Mərkəzi Bankın əsas fəaliyyət istiqamətlərindən biri olduğunu qeyd etmişdir. Qarşıya qoyulan hədəflərə nail olmaq məqsədilə Mərkəzi Bankın aidiyyəti dövlət qurumları, beynəlxalq təşkilatlar və bank sektoru ilə birlikdə ölkədə elektron ödəniş sistemlərinin inkişafı və nağdsız ödənişlərin genişləndirilməsi istiqamətində davamlı olaraq ölkə miqyaslı layihələr reallaşdırdığını və strateji təşəbbüslər həyata keçirdiyini vurğulamışdır. Son olaraq rəqəmsal ödənişlərin institusional mühitinin daha da yaxşılaşdırılması, bank sektorunun yenidən canlandırılması, rəqəmsal ekosistemin formalaşdırılması və rəqəmsal ödənişlər üzrə maarifləndirmə və təbliğatın gücləndirilməsi strateji istiqamətləri üzrə müxtəlif tədbirlərin həyata keçirildiyini diqqətə çatdırmışdır.
Tədbirdə Azərbaycan Respublikası Mərkəzi Bankının Milli ödəniş sisteminin inkişafı və nəzarəti şöbəsinin əməkdaşı Xəyaləddin Tağıyevin, Azərbaycan Banklar Assosasiyasının ödəniş sistemləri və rəqəmsal bankçılıq üzrə ekspert qrupunun rəhbəri, həmçinin “Bank of Baku” ASC-nin ödəniş sistemləri departamentinin direktor müavini Tamerlan Rüstəmovun müvafiq olaraq “Rəqəmsal ödənişlərdən istifadənin üstünlükləri və mövcud imkanlar”, “Ödəniş kartları və onlarla əməliyyatlar” mövzularında çıxışları dinlənilmişdir. Həmçinin Naxçıvan Muxtar Respublikasında bank sektorunun cari vəziyyətini xarakterizə edən videformatda təqdimat izlənilmişdir.
Sonda Universitetin nağdsız ödənişlərin həyata keçirilməsində fərqlənən 2 müəllimi və 2 tələbəsinə “Naxçıvanbank” ASC tərəfindən hədiyyələr təqdim edilmişdir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
11 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır
























