15 apreldən foreksdə yeni kredit həddləri tətbiq olunacaq

15 apreldən foreksdə yeni kredit həddləri tətbiq olunacaq

Azərbaycan Respublikası qanunvericiliyində Marja Ticarəti haqqında qaydalara edilmiş 31 avqust 2021 tarixli dəyişikliyə əsasən 15 aprel 2022 tarixindən etibarən Peşəkar investor statusuna malik olmayan bütün müştəri ticarət hesablarında kredit həddi (kredit çiyni) aşağıdakı qaydalara uyğun tətbiq olunacaq:

- baza aktivi əsas valyuta cütlükləri* olan fərq müqavilələri üzrə 50:1;

- baza aktivi digər valyuta cütlükləri, qızıl və indekslər olan fərq müqavilələri üzrə 20:1;

- baza aktivi əmtəə (qızıl istisna) və səhm olan fərq müqavilələri üzrə 10:1;

- baza aktivi kriptovalyuta (rəqəmsal valyuta) olan fərq müqavilələri üzrə 2:1.

* EURUSD, GBPUSD, USDJPY, AUDUSD, NZDUSD, USDCAD, USDCHF

Kredit həddi dəyişiklikləri açıq əməliyyat mövqeyinizə birbaşa təsir etdiyi üçün marja səviyyənizin dəyişməsinə səbəb olacaq.

Ticarət hesabında marja səviyyənsinin aşağı düşməməsi üçün bu tarixə kimi hesabda yetərli vəsaitin olması təmin edilməli və ya açıq mövqelərdəki həcmlərə yeni kredit hədlərinə uyğun olaraq baxış keçirilməlidir.

Ticarətinin 100:1 kredit həddi ilə təşkil olunmasını istəyən müştərilərin müvafiq qanunvericiliyin tələbi üzrə Peşəkar investor statusuna malik olmalıdır. Müştəri Peşəkar investor statusunu əldə etmək üçün aşağıdakı meyarlardan ən azı ikisinə cavab verməlidir:

-Fərq müqavilələri ilə marja ticarəti üzrə son bir il ərzində marja hesabından aktiv ticarət etməsini təsdiq edən müvafiq sənədə (marja hesabından çıxarış) malik olmalıdır (aktiv ticarət dedikdə ardıcıl olaraq hər rübdə ən azı 10 (on) ticarət əməliyyatının aparılması nəzərdə tutulur);

-Müraciət tarixinə müştəri hesabında ən azı 20 (iyirmi) min manat və ya onun ekvivalentində xarici valyutada pul vəsaiti olmalıdır.

-Maliyyə sektorunda investisiya fəaliyyəti üzrə ən azı bir illik iş təcrübəsinə malik olmalıdır.

18.03.2022 17:37

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az