Bu şirkət dövlət büdcəsinə 1,7 milyard manat vergi ödəməyi hədəfləyir

Bu şirkət dövlət büdcəsinə 1,7 milyard manat vergi ödəməyi hədəfləyir

12 min nəfərdən çox işçinin cəlb edilməsi də hədəflənir.

Bu şirkət dövlət büdcəsinə 1,7 milyard manat vergi ödəməyi hədəfləyir

Dövlət şirkəti “AzerGold”un yeni strategiyasında müəyyən edilmiş hədəflərdən biri dövlət büdcəsinə məcmu vergi ödənişinin 1.7 milyard manat təşkil etməsi.dir.

Marja xəbər verir ki, bunu “AzerGold” Qapalı Səhmdar Cəmiyyətinin 2021-ci ilin yekunları və qarşıda duran vəzifələrinə həsr olunmuş Mətbuat konfransında QSC-nin İdarə Heyətinin sədri Zakir İbrahimov bildirib.

İbrahimov söyləyib ki, ötən ili “AzerGold”un fəaliyyəti üçün əlamətdar edən addımlardan biri də Cəmiyyətin korporativ strategiyasının Daşkəsən dəmir filizi yataqları və işğaldan azad edilmiş ərazilərdəki yataqlar nəzərə alınmaqla Cəmiyyətin nizamnaməsi və qanunvericiliyin tələblərinə uyğun yenilənməklə Müşahidə Şurası tərəfindən təsdiq edilməsidir.

Cəmiyyətin strategiyası üzrə müəyyən edilmiş layihələrin icrası çərçivəsində əsas hədəflər bunlardır:

1. Cəmiyyətin növbəti 10 il ərzində əhəmiyyətli qlobal mədənçilik liderlərindən biri olmağa hazır olan iri şirkətə çevrilməsi;

2. Əlvan və qara metallar üzrə fəaliyyət nəticəsində 2035-ci ilədək ölkənin məcmu ÜDM-inə 24 milyard manat həcmində töhfənin verilməsi;

3. Layihələrin icrasının ən fəal mərhələsində 12 min nəfərdən çox işçinin cəlb edilməsi;

4. Məcmu gəlirin 18.5 milyard manata çatdırılması;

5. Faiz, vergi və amortizasiya hesablanmazdan əvvəlki mənfəətin (EBITDA) 7 milyard 650 milyon manata yüksəldilməsi;

6.Dövlət büdcəsinə məcmu vergi ödənişinin 1.7 milyard manat təşkil etməsi.

“Sevindirici haldır ki, strateji hədəflər çərçivəsində ötən il də hasilat, satış, geoloji kəşfiyyat, eləcə də digər sahələrdə işlər plandan daha artıq və tam qrafik üzrə yerinə yetirilib. Şirkətimiz regionlarda yeni mədənlərin işə salınması, iqtisadi səmərəliliyinin və dayanıqlı inkişafın artırılması istiqamətində fəaliyyətini uğurla davam etdirib”,- Zakir İbrahimov əlavə edib.

07.02.2022 15:25