Dövlət zəmanəti ilə kredit almaq üçün 6 940 müraciətdən 4310-na mənfi cavab verilib

Dövlət zəmanəti ilə kredit almaq üçün 6 940 müraciətdən 4310-na mənfi cavab verilib

Dövlət zəmanəti ilə kredit almaq üçün 6 940 müraciətdən 4310-na mənfi cavab verilib

Azərbaycanda koronavirus (COVID-19) pandemiyasından zərər çəkmiş sahələrdə fəaliyyət göstərən sahibkarlardan dövlət zəmanəti ilə kredit almaq üçün 1,7 milyard manat məbləğində 6 940 müraciət daxil olub.

Bunu İqtisadiyyat Nazirliyinin Sahibkarlığın İnkişafı Fondunun sədri vəzifəsini icra edən Osman Xaliyev bildirib.

Onun sözlərinə görə, bu müraciətlərdən 2 630-na müsbət cavab verilib və dövlət zəmanəti ilə 499,8 milyon manat kredit verilib. Kreditlərin say üzrə 99,4%-i, məbləğ üzrə isə 91,7%-i mikro, kiçik və orta sahibkarlarıq subyektlərinin payına düşüb.

Xatırladaq ki, 30 iyun 2020-ci ildən 31 dekabr 2021-ci ilə qədərki dövrü əhatə edən proqram çərçivəsində 500 milyon manatlıq kreditə 300 milyon manata qədər dövlət zəmanətinin verilməsi, eyni zamanda kredit faizlərinin 7.5 %-dək hissəsinin subsidiyalaşması nəzərdə tutulurdu.

Ötən il sahibkarlar 130 milyon manatdan çox güzəştli kredit alıb

Osman Xaliyev əlavə edib ki, 2021-ci ildə İqtisadiyyat Nazirliyinin Sahibkarlığın İnkişafı Fondu (SİF) proqnozdan 0,6 milyon manat çox - 130,6 milyon manat güzəştli kredit verib.

Onun sözlərinə görə, bu məbləğ ümumi dəyəri 287,7 milyon manat olan 1902 layihəyə ayrılıb.

Ötən il SİF-in verdiyi kreditlərin 60,4 milyon manatı və yaxud təxminən 46%-i kiçik və orta məbləğli kreditlər olub.

Sahibkarlığın İnkişafı Fondu maliyyələşməni artıracaq

Bu il İqtisadiyyat Nazirliyi yanında Sahibkarlığın İnkişafı Fondu (SİF) ötən illə müqayisədə təxminən 10 milyon manat çox – 140 milyon manat güzəştli kredit verməyi planlaşdırır.

“2022-ci ildə Fondun institusional bazasının daha da gücləndirilməsi, həmçinin, fəaliyyət planına uyğun olaraq hədəflər, o cümlədən elektronlaşma üzrə işlərin davam etdirilməsi planlaşdırılır”, - deyə Osman Xaliyev bildirib.

15%-DƏN BAŞLAYAN KREDİTİ ONLAYN ƏLDƏ ET

“Report”

28.01.2022 11:32

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az