InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR.

Rusiya ilə Ukrayna arasında yaşanan gərginlik, o cümlədən enerji qiymətlərindəki dəyişikliklər və monetar siyasətlə bağlı gözləntilər fonunda avroda eniş tendensiyası qorunur. Beləliklə, ucuzlaşma 1.13$ həddi qırılarsa, 1.1180$-a kimi sürətlənə bilər.

GBP.

Bu həftə həm İngiltərə həm də Avrozonada açıqlanacaq sənaye və xidmət sektorunda biznes aktivliyi indeksi göstəriciləri öncəsi funt sterlinq dünya birjalarında ucuzlaşmaqda davam edir. 1.35$ həddi qırılacağı təqdirdə eniş tendensiyası 1.33$-a kimi davam edə bilər.

TRY.

Ötən həftə TCMB faiz dərəcələrini dəyişməsə də USDTRY məzənnəsində stabillik qorunur. 

Təhlillər isə lirənin bahalaşa biləcəyi, USDTRY məzənnəsinin 12.94 hədlərinə qədər enəcəyi istiqamətindədir.

OIL.

Getdiksə yüksələn yoluxma sayı və geosiyasi gərginliyin artan riskləri fonunda neftə olan tələbin artdığı müşahidə edilir. Bu, Brentin bir barelinin 93$-a kimi dəyər qazanacağını proqnozlaşdırmağa əsas verir.

Cümə axşamı saat 20:00-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.

GOLD.

İnvestorların bu həftənin çərşənbə günü baş tutacaq FED-in toplantısı öncəsi bir qədər təmkinli davranmağa üstünlük verməsi nəticəsində qızılda üfüqi dalğalanma müşahidə olunur. Monetar siyasətlə bağlı veriləcək mesajlar qızılda tendensiyanın gələcəyinə ciddi təsir edə bilər. Beləliklə, 1845$-ın (59.32$/qram) qırılması ilə bir unsiya üzrə qiymət 1870$-a (60.12$/qram) kimi dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.