Yüksək Texnologiyalar Parkında yeni rezidentlərin fəaliyyəti üçün infrastruktur təkmilləşdirilmələri aparılır
AMEA-nın Yüksək Texnologiyalar Parkı (YT Park) qarşısına qoyulan strateji vəzifələrin həyata keçirilməsi istiqamətində çalışır.
Parkın yaydığı məlumatda bildirlir ki, 2021-ci il ərzində YT Parkın fəaliyyəti çərçivəsində bir sıra mühüm nəticələr əldə olunmuşdur. Belə ki, Azərbaycan Respublikasının Dövlət Şəhərsalma və Arxitektura Komitəsinin 11 oktyabr 2021-ci il tarixli sərəncamı ilə “AMEA Yüksək Texnologiyalar Parkı” MMC-nin istifadəsində olan torpaq sahəsində layihələndirilən qeyri-yaşayış (istehsalat) binalarının Baş planı təsdiq edilmişdir. Baş plana uyğun olaraq, AMEA Yüksək Texnologiyalar Parkı ərazisində komplektləşdirmə və abadlaşdırma fəaliyyətləri aparılmışdır.
Son bir il ərzində YT Parka ümumi investisiya məbləği isə 14 milyon manat təşkil edən 6 yeni rezident – “Bakı Polimer İstehsalat” MMC, “Dadaş-N” MMC, “Azcosmetics Group” MMC, “Tak Noosh Group” MMC, “Proline Chemicals” MMC, “Azoil İndustry” MMC cəlb edilmişdir. Parka qəbul olunan yeni rezidentlər üzrə tikinti sahəsinin 31 000 m² olması və 187 yeni iş yerinin açılması nəzərdə tutulub.
Yeni rezidentlərin fəaliyyətlərinin tam olaraq həyata keçirilməsi üçün park ərazisində infrastruktur təkmilləşdirilmələri aparılmaqdadır. Bu istiqamətdə görülən əsas işlərdən biri isə istismar dövrünü başa vurmaq üzrə olan su və kanalizasiya xətlərinin yenilənməsi ilə birlikdə, yanğın əleyhinə su kəmərləri sisteminin çəkilməsi, hidrantların quraşdırılması və elektrik xətlərinin yenilənərək təkmilləşdirilməsidir. Bu istiqamətdə işlərin 2022-ci ilin birinci rübündə yekunlaşdırılması planlaşdırılır.
Hesabat ilində, iyulun 8-də Yüksək Texnologiyalar Parkında icra olunan yeni layihələrin təqdimatına həsr olunmuş tədbir keçirilmişdir. Tədbirdə AMEA-nın prezidenti, akademik Ramiz Mehdiyev texnoparka yeni rezident kimi qəbul olunmuş “Proline Chemicals” MMC-nin rəhbərinə rezidentlik şəhadətnaməsini təqdim etmiş və şirkətin məhsulları ilə tanış olmuşdur. Eyni zamanda AMEA Strateji Elmi Analitik Sınaq Mərkəzinin laboratoriyasında görülmüş işlərə baxış keçirilmiş, “İntertek” şirkətinin laboratoriyasının, rezident “Bakı Polimer İstehsalat” MMC-nin istehsalat müəssisəsinin açılışı və rezident “Tak Noosh Group” MMC-nin istehsalat binasının təməlqoyma mərasimi həyata keçirilmişdir.
2021-ci il ərzində görülmüş işlərdən biri də yeni rezidentlərdən olan “Tak Noosh Group” MMC və “Bakı Polimer İstehsalat” MMC tərəfindən istehsal avadanlıqlarının idxal olunmasıdır. Hazırda avadanlıqlar texnopark ərazisindədir.
Bundan əlavə, texnoparkda olan inkişaf inzibati şəkildə də öz təsirini göstərmişdir. Belə ki, ştat cədvəli təsdiq edilmiş və 50 faiz nisbətində yüksəldilmişdir.
Hesabat ilində, həmçinin illik maliyyə hesabatlarının audit yoxlanışı aparılmışdır. Müstəqil auditor “AMEA Yüksək Texnologiyalar Parkı” MMC-nin illik maliyyə hesabatlarına müsbət rəy vermişdir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
10 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
10 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
11 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
11 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 12 saat əvvəl
- 12 saat əvvəl
-
12 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
12 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 14 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























