Fed faiz qərarını açıqladı - 2 ildə 6 dəfə faiz artırıla bilər

Fed faiz qərarını açıqladı - 2 ildə 6 dəfə faiz artırıla bilər

Fed üzvləri 2022-ci ildə faizin 3 dəfə, 2023-cü ildə də 3 dəfə artırılacağını gözləyirlər. Beləliklə, 2023-cü ilin sonuna qədər faizin ən az 6 dəfə artırılacağı nəzərdə tutulur. Fed qiymətli kağız alışlarınının azaldılmasını da sürətləndirəcək.

Fed faiz qərarını açıqladı - 2 ildə 6 dəfə faiz artırıla bilər

ABŞ Mərkəzi Bankı (Fed) faiz qərarını açıqladı.

Marja.az xəbər verir ki, Fed faizini dəyişdirməyərək sıfır səviyyəsinə yaxın (0 - 0,25%) saxlayıb. İqtisadçılar və bazarlar da Fed-in faizini dəyişməz saxlayacağını gözləyirdilər.

VTB-də yüksək depozit faizləri daha çox qazandırır

Fed aylıq qiymətli kağız alışlarının azaldılması sürətini 2 dəfə artıraraq 15 milyard dollardan 30 milyard dollara yüksəldib. Yəni, qiymətli kağızların alışları aylıq 90 milyard dollardan 60 milyard dollara endiriləcək.

Fed üzvləri 2022-ci ildə faizin 3 dəfə, 2023-cü ildə də 3 dəfə artırılacağını gözləyirlər. 2024-cü ildə isə faizin 2 dəfə artırılacağı proqnozlaşdırılır.

Fed üzvləri 2022-ci ildə uçot dərəcəsinin 0,75% - 1%-ə qədər artacağını gözləyirlər.

Fed qərarı yekdilliklə qəbul edib.

Fed-in qərar mətnində inflyasiyanın pandemiya və tədarük zənciri çətinlikləri ilə yüksəldiyi qeyd edilib. Mətndən inflyasiyanın müvəqqəti olduğuna diar ifadələr də çıxarılıb.

Fed iqtisadiyyata dair proqnozlarını da yeniləyib. Sentyabr ayında 5,9% olaraq açıqlanan 2021-ci il üçün iqtisadi artım proqnozu 5,5% səviyyəsinə endirilib. 2022-ci il üçün artım proqnozu 3,8%-dən 4%-ə yüksəldilib. 2023-ci il üçün iqtisadi artım təxmini 2,5%-dən 2,2%-ə salınıb.

2021-ci il üçün işsizlik proqnozu 4,8%-dən 4,3%-ə; 2022-ci il üçün 3,8%-dən 3,5% səviyyəsinə endirilib.

Pandemiya ilə əlaqədar olaraq tətbiq edilən təşviqlərin mərhələli şəkildə ləğv edilməsinin, 2022-ci ildə faizin artırılması üçün zəmin yaradacağı bildirilir.

ABŞ-da Noyabr ayında istehlakçı qiymətləri indeksi (inflyasiya göstəricisi) illik 6,8% artım qeyd etmişdir. Bu artım 1982-ci ildən bu yana (son 39 ildə) ən yüksək artımdır.

15.12.2021 23:00