İcbari tibbi sığorta çərçivəsində göndəriş vərəqələrinin verilməsi qaydaları dəyişəcək

İcbari tibbi sığorta çərçivəsində göndəriş vərəqələrinin verilməsi qaydaları dəyişəcək

İcbari tibbi sığorta çərçivəsində göndəriş vərəqələrinin verilməsi qaydaları dəyişəcək

"Yaxın günlərdə icbari tibbi sığorta çərçivəsində göndəriş vərəqələrinin verilməsi qaydalarında bəzi dəyişikliklər olacaq".

Bunu İcbari Tibbin Sığorta üzrə Dövlət Agentliyinin Göndərişlər şöbəsinin müdiri Arif Əkbərov "Əhalinin icbari tibbi sığorta haqqında maarifləndirməsində medianın və vətəndaş cəmiyyətinin rolu" mövzusunda təlimdə deyib.

O bildirib ki, müştərək maliyyələşmə ilə bağlı müddəalar qüvvəyə minənədək yalnız stasionar yatış üçün dövlət tibb müəssisələrində göndəriş vərəqəsi tələb olunacaq: "Hər hansı ambulator xidmət üçün göndəriş vərəqəsi tələb olunmayacaq. Vətəndaş dövlət tibb müəssisəsində ambulator tibbi xidmət və müayinələrdən göndəriş vərəqəsiz keçə biləcək. Stasionar xidmətə ehtiyac yarandıqda ya müayinə edən həkim və ya ərazi üzrə ilkin səhiyyə xidməti göndərişi təmin edir və göndəriş əsasında planlı yatış xidmətindən istifadə mümkün olur".

A. Əkbərovun sözlərinə görə, digər yenilik isə odur ki, vətəndaş birbaşa göndərişsiz özəl tibb müəssisəsinə müraciət etdikdə və təcili xidmətə ehtiyac olduqda bu halda İTSDA ilə müqaviləsi olan tibb müəssisəsi agentliyin mail ünvanında sorğu yaradır və agentliyin əməkdaşları tərəfindən həmin xidmətlərin dövlət tibb müəssisəsində göstərilməməsi, Xidmətlər Zərfinə daxil olub-olmaması araşdırılır: “Xəstəliyin həqiqətən təcililiyi əsaslandırılanda və dövlət tibb müəssisəsində bu xidmət olmadıqda mail vasitəsilə həmin xəstəyə tibbi xidmətin göstərilməsi uyğun görülür. Amma hər hansı planlı əməliyyat və ya digər planlı xidmətlər üçün vətəndaş birbaşa özəl tibb müəssisəsinə müraciət etdikdə ona öz hesabına xidmətlər göstəriləcək".

Telegramda Marja.az səhifəsinə abunə olun

14.12.2021 12:14

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az