Bu gün Amerikanın əmək bazarı ilə bağlı açıqlanacaq statistik məlumatlar, dünya birjalarında dolların aparıcı valyutalara olan qiymətlərində böyük hərəkətliliyə səbəb ola bilər.

VALYUTALARIN DƏYİŞMƏSİNDƏN PUL QAZAN!

Belə ki, bu gün Bakı vaxtı ilə saat 16:30-da son bir neçə həftədir böyük maraqla gözlənilən, Amerikanın dövlət statistika idarəsi tərəfindən işsizlik və qeyri-kənd təsərrüfatı sahələrində yaradılan yeni iş yerlərinin sayı (ing.: "NFP") ilə bağlı məlumatlar yayımlanacaq. Sözügedən məlumatlar, iyun ayının 14-də açıqlanacaq, FED-in faiz qərarı üçün çox önəmli olduğu üçün dolların qiymətinə də güclü təsir edəcəyi gözlənilir.
 

Amerikada işsizlik səviyyəsi 4.4% olmaqla, son 16 ilin minimum səviyyəsindədir və may ayı ərzində yaradılan yeni iş yerlərinin sayının 185 min olması proqnozlaşdırılır. Aprel ayında isə bu göstərici 211 min idi. 

Qeyd etmək lazımdır ki, Amerikanın  əmək bazarında internet texnologiyaları sahəsində ixtisaslaşan kommersiya təşkilatının (ing.: "ADP") cümə axşamı açıqladığı məlumatlara görə, ABŞ-da may ayı ərzində əlavə olaraq 253 min yeni iş yerləri yaradılıb. Beləliklə, bu gün açıqlanacaq "NFP" göstəricisi də aprel ayının göstəricisini üstələyərsə, bu, foreks bazarlarında dolların 1%-ə kimi bahalaşmasına səbəb ola bilər. Bununla yanaşı, əmək haqlarında artım da FED-in inflyasiya gözləntiləri fonunda investorların diqqət mərkəzindədir. 

ÖDƏNİŞSİZ FOREX SEMİNARINA QATILIN!

Lakin son yarım ilin minimum səviyyələrində ticarət edilən dolların qiymətində bu gün dalğalanma güclənsə də, bunun 1%-dən çox olması gözlənilmir. Amerikanın əmək bazarında tam məşğulluq hökm sürür və müşahidə ediləcək yaxşılaşma da süpriz kimi qarşılanmayacaq. Gələcək günlərdə isə dünya birjalarında dolların qiyməti daha çox digər amillərin təsiri altında olacaqdır. Bunlar gələn həftə açıqlanacaq Avropanın 1-ci rüb üzrə iqtisadi inkişaf səviyyəsi, pərakəndə satış dövriyyəsi, Avropa Mərkəzi Bankının toplantısı və açıqlamaları, Böyük Britaniyada keçiriləcək növbədənkənar parlament seçkisi, Böyük Britaniyanın sənaye sektoru ilə bağlı statistik məlumatlar, Yaponiyanın 1-ci rüb üzrə iqtisadi inkişaf səviyyəsi və Çinin xarici ticarət dövriyyəsi və inflyasiya səviyyəsidir. 

Neft istehsalı limitinin tətbiqinin, qiymətlərə müsbət təsiri fonunda şübhələr birjalarda təzyiqi artırır.

Enerji bazarlarında Avropanın Brent neftinin qiyməti 50$-a kimi 1$ ucuzlaşıb. Başda Səudiyyə Ərəbistanı və Rusiya olmaqla neft ixrac edən ölkələr, qiymətlərin bahalaşması üçün istehsal həcmlərini məhdudlaşdırsalar da, digər tərəfdən Amerika, Liviya və Nigeriyanın istehsal həcmlərini artırmaları, neft qiymətlərinə olan təzyiqi də artırır.

© İnvestAZ