Cənubi Afrikada yayılan koronavirusun yeni variantına "Omikron" adı verildi

Cənubi Afrikada yayılan koronavirusun yeni variantına "Omikron" adı verildi

Cənubi Afrikada yayılan koronavirusun yeni variantına "Omikron" adı verildi

Ümumdünya Səhiyyə Təşkilatı (ÜST) Cənubi Afrikada yayılan koronavirusun yeni variantına (B. 1.1.529) yunan hərfi olan “Omikron” (VOC - narahatlıq variantı kimi təyin edilib) adını verib.

Bu barədə təşkilatın saytında bildirilib.

Qeyd edilib ki, yeni variant çox sayda mutasiya edir və bunların bəziləri narahatlıq doğurur: “VOC ştammları yüksək yoluxucudur. Onlar daha asan yayılır, daha ağır xəstəliklərə səbəb olur, orqanizmin immun reaksiyasından yayınır”.

Bu baxımdan təşkilat yoluxmaya nəzarəti və ardıcıllığı gücləndirməyi tövsiyə edib. Eyni zamanda UST rəhbərliyi dövlətlərdən VOC infeksiyası ilə əlaqəli qruplar haqqında məlumat verməsini gözlədiklərini diqqətə çatdırıb.

“Omikron” ştammı ilə bağlı 8 ölkənin vətəndaşlarına ABŞ-a giriş məhdudlaşdırılır

“ABŞ noyabrın 29-dan etibarən koronavirusun yeni aşkar edilmiş “Omikron” ştammı ilə bağlı Afrikanın 8 ölkəsindən gələn vətəndaşlara ölkəyə girişi məhdudlaşdıracaq”.

Bunu ABŞ Prezidenti Co Bayden deyib.

Prezident bildirib ki, artıq yeni ştamm haqqında məlumatlandırılıb: “Ehtiyat tədbiri olaraq, daha çox məlumat əldə edənə qədər Cənubi Afrikadan və digər yeddi ölkədən hava nəqliyyatı ilə ölkəyə gələnlərə məhdudiyyətlər qoymağa göstəriş verdim. Yeni məhdudiyyətlər noyabrın 29-da qüvvəyə minəcək. Tibb sahəsində məsləhətçilərimlə elmi sübutları və tövsiyələri rəhbər tutmağa davam edəcəyik”.

CNN-in məlumatına görə, məhdudiyyətlər Cənubi Afrikadan başqa Botsvana, Zimbabve, Namibiya, Lesoto, Esvatini, Mozambik və Malaviyə də şamil edilir.

“Moderna” şirkəti “Omikron” ştammı üçün gücləndirici peyvənd hazırlandığını bildirib

“ABŞ-ın “Moderna” şirkəti koronavirusun bu yaxınlarda mutasiya edən “Omikron” ştammına qarşı peyvənd üzərində işləyir”.

Bu barədə şirkətin yaydığı məlumatda bildirilib.

Qeyd edilib ki, yeni peyvənd orqanizmi yeni mutasiyalardan daha yaxşı qoruya bilən gücləndirici olacaq.

Hazırda sözügedən peyvəndin hazırlanması prosesinin sürətlə aparıldığı vurğulanıb.

27.11.2021 08:22

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az