Alimlər Cənubi Afrikada mutasiyaya uğramış yeni bir Covid-19 variantı (ştammı) aşkar etdiklərini açıqlayıblar. Çoxlu sayda fərqli mutasiyaları özündə birləşdirən B. 1.1.529 adlı variant narahatlıqların artmasına səbəb olub.

Marja.az xəbər verir ki, alimlər, B. 1.1.529 variantının bədənin müdafiə sistemindən qaçaraq daha çox xəstəliyə səbəb ola biləcəyini qeyd edirlər.

B. 1.1.529 variantının, peyvəndlərin immunitet sistemini Covid-19-a qarşı hazırlamaq üçün istifadə etdiyi virusun hissəsi olan spike zülalında 32 mutasiyaya malik olduğu vurğulanıb.

Kembric Universitetindən professor Ravi Gupta, B. 1.1.529 variantının daha yolxucu və peyvəndləri təsirsiz edə biləcəyini qeyd edib.

Cənub Afrikada çıxan B. 1.1.529 kod adlı variantın Delta variantından daha təhlükəli olduğu barədə məlumatlar yayılır. Bir çox mutasiya ilk dəfə bir yerdə görünür.

Koronavirusun yüksək səviyyədə mutasiyaya uğramış B. 1.1.529 adı verilən variantının yayılması vəziyyətində iqtisadiyyatlarda yeni bağlanma tədbirləri ola biləcəyi narahatlığı qlobal bazarlarda təşvişə səbəb olub.

Ortaya çıxan bu yeni variantın bütün dünyaya yayılması riski var.

Ümumdünya Səhiyyə Təşkilatı yeni variantın əvvəlkilərdən daha sürətli yayılıb-yayılmadığını, daha ölümcül olub-olmadığını araşdırır.

İngiltərə və İsrail, Cənubi Afrika və yeni variant riski daşıyan digər beş Afrika ölkəsindən uçuşları müvəqqəti dayandırır.

"Azərbaycan da dünyadan təcrid olunmuş ölkə deyil"

“Hazırda Azərbaycanda koronavirus pandemiyası ilə bağlı epidemoloji nəzarət altındadır. Hər zaman qeyd etdiyimiz ki, mutasiyalar viruslara xas xüsusiyyətdir. Yəni yeni ştamların meydana çıxması gözlənilən prosesdir”.

Bunu açıqlamasında Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva deyib.

O bildirib ki, Azərbaycan da dünyadan təcrid olunmuş ölkə deyil: “Bütün dünya ölkələri ilə inteqrasiya olunan dövlətik. Bu səbəbdən yeni mutasiyaların Azərbaycana gəlməsi və yayılması mümkün olan haldır. Ölkədə yeni mutasiyaların təyin olunması üçün bütün imkanlar mövcuddur. Azərbaycanda yeni ştam aşkarlandığı təqdirdə bununla bağlı məlumat dərhal ictimaiyyətə təqdim olunur”.

Y.Qarayeva əlavə edib ki, virusla mübarizə aparmaq üçün qorunma üsullarında heç bir dəyişiklik yoxdur: “Mutasiya baş verdiyi halda bu nə xəstəliyin profiliaktikasına, nə də müalicəsinə təsir etmir. Xəstəlikdən qorunmaq üçün qapalı məkanlarda maskalardan istifadə etməli, mümkün qədər kütləvi yerlərdən uzaq durmalı, fiziki məsafə qorunmalı, tez-tez əllər yuyulmalı və dezinfeksiya edilməlidir.

Ən önəmlisi isə əhalinin kütləvi vaksinasiya prosesində iştirak etməsidir. Bununla bağlı çağırışlarımızı və tövsiyələrimizi vermişik. Qış mövsümünə hazırlıq olaraq vaxtı çatan və tövsiyə olunan qruplarda üçüncü doza vaksinin vurulması mütləq tövsiyə olunur”.

Ümumdünya Səhiyyə Təşkilatı (ÜST) Cənubi Afrika Respublikası və Botsvanada aşkar edilən, potensial sürətlə yayılan COVID-19-un yeni və ən təhlükəli ştamını müzakirə etmək üçün bu gün təcili iclas çağırıb. Böyük Britaniya alimləri Botsvanada 32 mutasiyanı ehtiva edən koronavirus ştamının peyda olması barədə xəbərdarlıq ediblər. Mutasiyaların çoxu onun yüksək ötürülmə qabiliyyətini və peyvəndlərə qarşı güclü müqavimətini göstərir, ştamın bütün digər COVID-19 variantlarına nisbətən sünbül zülalında daha çox dəyişikliklər var.

Cənubi Afrika Respublikasının Milli Yoluxucu Xəstəliklər İnstitutu daha sonra yeni ştamın Cənubi Afrika Respublikasında aşkarlandığını, indiyə qədər 22 yoluxma halını təsdiqləyib. B.1.1.529 adlı yeni COVID-19 ştamı ilə 10 yoluxma müəyyən olunub. Mutasiyalar zəif immun sistemi olan, o cümlədən HİV və ya QİÇS xəstələrini daha tez yoluxdurur.

Həmçinin oxu

Qlobal bazarlarda yeni koronavirus variantı narahatlığı - YENİ ÇÖKÜŞ BAŞLAYIB