(®) Azərbaycanın aparıcı informasiya texnologiya şirkətlərindən biri olan ATL Tech, kompüter görmə texnologiyası və maşın öyrənməyə əsaslanan məhsulların yaradılmasında dünya liderlərindən biri olan VisionLabs şirkəti ilə birlikdə 25 Noyabr tarixində “Machines can see in digital transformation” adlı konfrans təşkil ediblər.

Konfrans zamanı Azərbaycandan olan mütəxəssislər və xarici ekspertlər “Süni intellektin rəqəmsal dünyadakı rolu” haqqında öz təcrübə və fərziyyələrini bölüşüblər.

Konfrans 3 paneldən ibarət olmaqla, gələcəyin şəhəri: texnologiya ilə həyat keyfiyyətin artırılması, süni intellektin bizə vəd etdikləri, intellektual həllər kimi əsas mövzuları əhatə edib.

ATL Tech şirkətin direktoru Anar Əliyevin sözlərinə görə, keçirilən tədbir ölkəmizin bu istiqamət üzrə inkişafında daha bir addımdır.

“Biz inanırıq ki, bu kimi tədbirlərin keçirilməsi informasiya texnologiyaları sahəsinə marağı olan bazar iştirakçıları, o cümlədən sahəyə marağı olan gənclər üçün yeni istiqamətlər kəşf etməyə imkan yaradacaq. Tədbirdə ekspert qismində iştirak edən hər bir spikerin söylədikləri real təcrübəyə əsaslanır və konfrans iştirakçıları üçün olan faydası əvəzsizdir.”

Konfransda paylaşılan məlumat və təcrübələrin daha çox auditoriya çatması üçün canlı olaraq da tədbiri izləmək şansı yaradılmışdı.

Anar Əliyev konfransın digər tərəfdaşı olan VisionLabs şirkəti haqqında fikir söyləyərək, partnyorlarının maliyyə və nəqliyyat, pərakəndə satış üzrə beynəlxalq texnoloji korporasiya olduğunu vurğulayıb: “Şirkətin əsas məhsulları LUNA, kompüter görmə və video analitika platforması və özəl texnologiyalara əsaslanan qurğular (Luna Ace, Luna Pos, Luna Thermo və s.) toplusudur. Düşünürük ki, yeni tərəfdaşımız ilə birlikdə Azərbaycanda süni intellekt istiqamətində irəliləyiş əldə edərək, şirkətlərə yeni həll yolları təklif edə bilərik".

Tədbirdə spiker kimi iştirak edən və “Ağıllı şəhər və bankçılıqda kompüter görmə” mövzusunda çıxış edən VisionLabs-ın baş direktoru Dmitri Markov ATL tech ilə əməkdaşlıq haqqında bunları deyib:

“VisionLabs-ın beynəlxalq tərəfdaş şəbəkəsini genişləndirməyə davam edirik və ATL Tech kimi etibarlı şirkətlə əməkdaşlıq etməkdən məmnundur. Biz birlikdə bazar tələblərini daha dəqiq qiymətləndirə və buna uyğun olaraq yüksək texnoloji həllər təklif edə biləcəyik. Ümid edirik ki, əməkdaşlığımız məhsuldar olacaq və Azərbaycanda Süni İntellektin inkişafına öz töhvəsini verəcək”.

Qeyd edək ki, ATL Tech şirkəti Azərbaycanda İT konsaltinq, sistem inteqrasiyası, proqram təminatı və həllər daxil olmaqla geniş çeşiddə məhsul və xidmətlər təklif edirik. Şirkət həm yerli, həm də qlobal şirkətlərə xidmət göstərməklə onların İT problemlərini həll etməyə və müştərilərinin gündəlik əməliyyatlarını sadələşdirməkdədir.