İnflyasiyanın birrəqəmli səviyyəyə düşəcəyi gözlənilir

İnflyasiyanın birrəqəmli səviyyəyə düşəcəyi gözlənilir

İnflyasiyanın birrəqəmli səviyyəyə düşəcəyi gözlənilir

Azərbaycan Mərkəzi Bankın İdarə Heyətinin sədri Elman Rüstəmov 2017-ci ilin yekunları üzrə birrəqəmli səviyyədə inflyasiyanı real hesab edir.

VTB-də yüksək depozit faizləri daha çox qazandırır

“Beynəlxalq Valyuta Fondu, Dünya Bankı, digər beynəlxalq təşilatlardan Azərbaycanda birrəqəmli inflyasiyaya dair müxtəlif müsbət proqnozlar var. Biz öz hesablamalarımızı aparırıq. Əsas məqsədlərimizdən biri, 2017-ci ilin yekunları üzrə birrəqəmli inflyasiyaya nail olmaqdır”, - deyə E.Rüstəmov bu gün jurnalistlərə bildirib.

AMB-nin sədri inflyasiyaya təsir edən müxtəlif amillərin olduğunu qeyd edib. “İnflyasiya yalnız monetar xarakter daşımır, dünyada qiymətlərin təsiri və bir sıra digər amillər var. Bütün bu amilləri düzgün idarə etmək lazımdır. Bütövlükdə, biz bu “benchmark”ı (birrəqəmli səviyyəyə qədər azalma - İF) real hesab edirik”, - deyə E.Rüstəmov əlavə edib.

2017-ci il yanvar-aprel aylarının yeklunları üzrə Azərbaycanda orta illik inflyasiya 13,5% təşkil edib.

UÇOT DƏRƏCƏSİNİN MÜZAKİRƏSİ PROQNOZLAŞDIRILIR

Azərbaycanm Mərkəzi Bankı (AMB) iyunun ortalarında uçot dərəcəsinin təkrar baxılması məsələsinin müzakirəsini planlaşdırır. Bu barədə bankın İdarə Heyətinin sədri Elman Rüstəmov bəyan edib.

“May ayında keçirilən monitorinqin nəticlərinə görə, inflyasiyanın azalması trendi davam edir. Bu vəziyyətdə uçot dərəcəsinin yüngülləşdirilməsi, təkrar baxılması məsələsi aktuallaşır. İyunun ortalarında AMB-nin komitəsinin iclasında gündəlikdə duran əsas məsələ olacaq”, - deyə E.Rüstəmov bu gün jurnalistlərə bildirib.

O, inflyasiya ilə bağlı vəziyyətin yaxşılaşdığını qeyd edib.

“Faiz dərəcələrində əsas trend inflyasiya gözləntiləridir. İnflyasiyanın dinamikasını izləyirik və burada müsbət proseslərin şahidi oluruq. 2017-ci ilin 4 ayı ərzində inflyasiya ötən ilin analoji dövrünə olan göstəricidən aşağı olub”, - deyə E.Rüstəmov əlavə edib.

31.05.2017 05:25

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az