"Bu il büdcə xərcləri 1,2-1,3 milyard manata qədər icra olunmaya bilər"

"Bu il büdcə xərcləri 1,2-1,3 milyard manata qədər icra olunmaya bilər"

"Bu il büdcə xərcləri 1,2-1,3 milyard manata qədər icra olunmaya bilər"

"Azərbaycanıın builki dövlət büdcəsinin icrası olduqca uğurludur. Yüksək göstəricilərə nail olmuşuq”.

Bunu maliyyə naziri Samir Şərifov Milli Məclisin Hüquq siyasəti və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları, Beynəlxalq münasibətlər və parlamentlərarası əlaqələr komitələrinin və İntizam komissiyasının birgə iclasında gələn ilin dövlət büdcəsi zərfinə daxil olan sənədlərin müzakirəsində deyib.

VTB-də minimal faiz dərəcəsi ilə nağd kredit 9.9%-dən

“Xarici ticarət dövriyyəmiz də artıb. Ümumiyyətlə ilin sonuna gözlənilir ki, büdcədə 1,5 milyard manat qalıq olacaq. Xərclərimizin icrasında bəzi ləngimələrin olmasını da etiraf etməliyik. Büdcə xərclərinin 1,2-1,3 milyard manata qədər icra olunmaması gözlənilir”, - deyə nazir vurğulayıb.

"Qarabağla bağlı xərclər büdcədə ön sıralarda dayanır"

Samir Şərifov bildirib ki, işğaldan azad edilmiş ərazilərin bərpası və yenidən qurulması ilə bağlı xərclər gələn ilin dövlət büdcəsi xərcləri arasında ön sıralarda dayanır.

“Qarabağın bərpası və yenidən qurulması, soydaşlarımızın doğma torpaqlarına qaytarılması kimi şərəfli vəzifənin yerinə yetirilməsi 2022-ci ildə də təmin ediləcək və bu məqsədlə 2,2 milyard manat vəsaitin ayrılması nəzərdə tutulur”, - o bildirib.

“Təhsil xərcləri hər il artırılır”

“Hər il təhsil xərclərinin artırılması istiqamətində məqsədyönlü işlər aparılır. Bu da dövlətin təhsil sahəsinə göstərdiyi diqqətin bariz nümunəsidir”,- Samir Şərifov deyib.

“Azərbaycan dövləti olduqca güclü xarici siyasət həyata keçirir. Bu məqsədlə də dövlət büdcəsindən vəsait ayrılıb”, - nazir vurğulayıb.

O bildirib ki, Ombudsman Aparatının fəaliyyətinin təşkili üçün növbəti ilin dövlət büdcəsindən 4 milyon manat vəsaitin ayrılması nəzərdə tutulub.

Telegramda Marja.az səhifəsinə abunə olun

“Report”

11.11.2021 12:05