İqtisadiyyat naziri 7-ci Dünya İnvestisiya Forumunda çıxış edib
İqtisadiyyat naziri Mikayıl Cabbarov 7-ci Dünya İnvestisiya Forumu çərçivəsində onlayn formatda “Davamlı İnvestisiyalar üzrə dəyirmi masa” panel sessiyasında çıxış edib.
Nazir forumun investisiya mühitinin yaxşılaşdırılması istiqamətində atılacaq addımlara töhfə verəcəyinə əminliyini ifadə edib, ölkəmizin investisiya siyasətinin prioritetləri barədə məlumat verib. Vurğulanıb ki, Vətən müharibəsində qazanılan böyük Qələbə nəticəsində işğaldan azad edilmiş ərazilərimizin bərpası inkişaf üçün yeni çağırışlar və reallıqlar yaradıb, ölkə iqtisadiyyatının investisiya cəlbediciliyi daha da artıb. Tədbirdə COVİD-19 pandemiyasının milli iqtisadiyyata göstərdiyi təsirlər, Azərbaycan hökumətinin müvafiq dəstəkləyici tədbirləri barədə məlumat verilib, 2030-cu ilədək Azərbaycanın sosial-iqtisadi inkişaf prioritetləri qeyd olunub. İqtisadiyyat naziri Azərbaycanda biznes və investisiya mühitinin davamlı olaraq yaxşılaşdığını, qanunvericiliyin, biznes qeydiyyatı, vergi və gömrük sistemlərinin təkmilləşdirildiyini, inzibati prosedurların sadələşdirildiyini, korporativ idarəetmənin, dövlət-özəl tərəfdaşlığının, e-hökumətin əhatə dairəsinin genişləndirildiyini diqqətə çatdırıb. Qeyd edilib ki, ölkə iqtisadiyyatının postpandemiya dövründə hərtərəfli bərpasına dəstək üçün yerli və xarici investisiyaların cəlbi, qeyri-neft sektorunun davamlı inkişafının təmin edilməsi xüsusi önəm kəsb edir. Bu baxımdan, sənaye zonaları, Ələt Azad İqtisadi Zonası investisiya fəaliyyətinin canlanmasında əlverişli mexanizmlərdir.
İqtisadiyyat naziri bildirib ki, 2021-ci ilin 1 aprel tarixindən fəaliyyətə başlamış Dünya İqtisadi Forumunun Dördüncü Sənaye İnqilabı Mərkəzləri Şəbəkəsinin Afilə edilmiş Azərbaycan Mərkəzi ölkəmizdə rəqəmsal ekosistemin inkişafına, Dördüncü Sənaye İnqilabı texnologiyalarının sürətli mənimsənilməsinə və tətbiqinə təkan verməklə, “yaşıl iqtisadiyyat”ın inkişafında, investisiyaların cəlb edilməsində əhəmiyyətli platformadır.
Forumda Türkiyə, Rusiya, Çin, Almaniya, Böyük Britaniya, Koreya, Meksika, Tayland, Misir və digər ölkələrin iqtisadiyyat, sənaye, ticarət və investisiya nazirlərinin yaxın illərdə milli və beynəlxalq investisiya siyasətinin formalaşmasında prioritetlər və davamlı bərpa məqsədilə əsas sektorlara investisiya qoyuluşlarının sürətləndirilməsi barədə çıxışları dinlənilib, müzakirələr aparılıb.
Qeyd edək ki, Dünya İnvestisiya Forumu investisiya siyasətinin hazırlanmasına dəstək göstərmək, biznes və siyasət sahəsində dünya liderləri ilə qarşılıqlı əlaqə üçün imkan yaradan qlobal platformadır. Hər 2 ildə 1 dəfə keçirilən Dünya İnvestisiya Forumunda 160-a yaxın ölkədən 5000-dən çox investor iştirak edir
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























