Azərbaycan Respublikasının Dövlət Gömrük Komitəsi "Xaçmaz rayonu, Xanoba kəndində tikilən Şimal Ərazi Baş Gömrük İdarəsi Xanoba gömrük postunun kompleks tikintisi üzrə tikinti-quraşdırma işləri ilə əlaqədar" keçirdiyi tenderi yekunlaşdırıb.

Marja xəbər verir ki, qalib şirkət "As İnşaat" MMC-dir.

Komitə qalib şirkət ilə məbləği 9 milyon 200 min manat olan müqavilə imzalayıb. Müqavilə Xanoba kəndində tikilən Şimal Ərazi Baş Gömrük İdarəsi Xanoba gömrük postunun kompleks tikintisi üzrə tikinti-quraşdırma işlərini nəzərdə tutur.

2020-ci ilin sonunda da Azərbaycan Respublikasının Dövlət Gömrük Komitəsi “As İnşaat” MMC ilə 8 milyon manatlıq müqavilə bağlayıb.  Müqavilə Xaçmaz rayonu, Xanoba kəndində tikilən Şimal Ərazi Baş Gömrük İdarəsi Xanoba gömrük postunun kompleks tikintisi (birinci mərhələsi) üzrə tikinti - quraşdırma işlərini nəzərdə tutur.

Bu ilin İyul ayında Dövlət Gömrük Komİtəsininsədri Səfər Mehdiyev "Twitter" hesabında yazıb ki, Azərbaycanın Rusiya ilə sərhəddə yerləşən Xanoba gömrük postu yaxın vaxtlarda istifadəyə veriləcək.

"AS İnşaat" şirkətinin saytında verilən məlumata görə, “Xanoba” gömrük postu 3 zonadan ibarət olacaqdır.

1. Rejim zonası. Ərazisi – 24992,74 kvadrat metr

Bu zonaya daxildir: 3 mərtəbəli inzibati bina, Talvar1, Talvar2, Az-Rus, Rus-Az keçidləri, kinoloji xidmət, texniki baxış binası, skaner CİP 300, portal monitorlar, 27 maşınlıq xidməti avtodayanacaq, dezinfeksiya baryeri.

2. İdxal və ixrac üçün terminal. Ərazisi – 35216,91 kvadrat metr.

Bu zonaya daxildir: TAM, yük terminal və skaner, rentgen MCVC, 4 ədəd tərəzi, çirkab su anbarı, transformator, 1 mərtəbəli əlavə xidmət binası, avtoyuyucu, 55 ədəd idxal üçün avtodayanacaq, 81 ədəd idxal üçün avtodayanacaq, 2500 kvadrat metrlik QİDA agentliyi üçün ayrılmış ərazi.

3. İctimai iaşə zonası. Ərazisi – 5923,45 kvadratmetr 

Bu zonaya daxildir: 2 mərtəbəli əlavə xidmət binası, ictimai iaşə zonası, 27 maşınlıq xidməti avtodayanacaq, 27 maşınlıq taksi dayanacağı, 11 ədəd avtobus dayanacağı, 4 ədəd köşk, 27 ədəd ödənişli maşın dayanacağı, ictimai sanitar qovşağı. 

Ərazinin ümumi sahəsi 65636,91 kvadrat metrdir.