Qızıl alverçisi, qalmaqallı lombard sahibi Ukraynada tutularaq Azərbaycana gətirildi

Qızıl alverçisi, qalmaqallı lombard sahibi Ukraynada tutularaq Azərbaycana gətirildi

Qızıl alverçisi, qalmaqallı lombard sahibi Ukraynada tutularaq Azərbaycana gətirildi

2020-ci ilin yanvar ayının 10-dan Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə) maddəsi ilə Daxili İşlər Nazirliyi tərəfindən beynəlxalq axtarışa verilən Mahmudov Maqsud Soltan oğlu bu il iyul ayında Ukrayna Respublikası ərazisində tutulub.

Bu barədə Baş Prokurorluq və Daxili İşlər Nazirliyi birgə məlumat yayıb.

VTB-də yüksək depozit faizləri daha çox qazandırır

Qeyd olunub ki, o, sentyabrın 18-də Ukraynadan Azərbaycana gətirilərək istintaqa təhvil verilib.

Məlumata görə, 51 yaşlı Mahmudov paytaxtda yalnız taksi xidmətindən istifadə edib və tez-tez telefon nömrələrini dəyişib. Qızıl alışı və satışı ilə məşğul olan M.Mahmudov qalmaqallı lombard sahibi kimi tanınıb. O, Bakıda bir neçə lombardın sahibi olub. Onun xeyli sayda insana qarşı dələduzluq etdiyi bildirilir (lombarda qoyulan qızılları ələ keçirib). Bir müddət əvvəl onun qızılları ölkədən götürüb qaçması, zərərçəkənlərin polisə şikayət etməsi ilə bağlı dövrü mətbuatda xəbərlər də dərc olunmuşdu. O, daha əvvəl fırıldaqçılığa görə həbsdə də olub.

MTN əməliyyatlarından sonra açılan cinayət işində adı zərərçəkmiş kimi çəkilənlərdən biri də Maqsud Mahmudov idi. Mahmudov iddia edirdi ki, MTN generalı Akif Çovdarov və onun adamlarının qanunsuz hərəkətlərinin qurbanı olub. Qızıl Mahmudov hədə-qorxu ilə milyonlarının əlindən alındığını deyirdi. Lakin məhkəmə yekunda onun mülki iddiasını təmin etməmişdi.

Məlumata görə, Mahmudov özünü "müxalifətin düşməni" elan da edib. O, müxalifətin mitinqlərində də iştirak edib. Mitinqlərə əlində plakatlarla gedən Mahmudov hökumətin lehinə şüarlar qışqırıb.

18.09.2021 10:07

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az