Son 50 ildə 4 trilyon - TƏBİƏTİN QƏZƏBİ

Son 50 ildə 4 trilyon - TƏBİƏTİN QƏZƏBİ

Hər gün 115 ölü, 200 milyon dollardan çox ziyan...

Son 50 ildə (1970-2019) hava, iqlim və su ilə əlaqədar təhlükələr bütün fəlakətlərin (o cümlədən texnogen) 50%-dən çoxunu təşkil edir.

Marja xəbər verir ki, bu barədə Ümümdünya Meterologiya Təşkilatının yeni hesabatında qeyd olunur. Nəticədə qlobal iqtisadiyyata 4 trilyon dollara yaxın ziyan dəyib.

Bu ziyanın əksər hissəsini inkişaf etmiş ölkələr çəksə də, ölüm halları daha çox inkişaf etməkdə olan və yoxsul ölkələrin payına düşür. Orta hesabla son 50 ildə fəlakətlərə görə hər gün 115 insan həyatını itirib (cəmi 2,06 milyon nəfər). Günlük ziyan isə 200 milyon dollardan çox olub.

Ən çox insan itkisinə səbəb olan hadisələr quraqlıq (650 min nəfər, ən çox Afrika), qasırğalar (577 min 232 ölüm), sel və daşqınlar (59 min nəfər) və həddən artıq isti hava (56 min nəfərə yaxın) olub. İqtisadi ziyan baxımından isə qasırğalar (521 milyard dollar) və daşqınlar (115 milyard dollar) liderlik edir.

Ən çox insan ölümünə səbəb olan 10 hadisə (1970-2019)

Quraqlıq, 1983, Efiopiya - 300 min nəfər

Qasırğa (Bola), 1970, Banqladeş - 300 min nəfər

Quraqlıq, 1983, Sudan - 150 min nəfər

Qasırğa (Qorki), 1991, Banqladeş - 138 min 866 nəfər

Qasırğa (Nargis), 2008, Myanma - 138 min 366 nəfər

Quraqlıq, 1973, Efiopiya - 100 min nəfər

Quraqlıq, 1981, Mozambik - 100 min 866 nəfər

Yüksək temperatur, 2010, Rusiya - 55 min 736 nəfər

Daşqın, 1999, Venesuela - 30 min nəfər

Daşqın, 1974, Banqladeş - 28 min 700 nəfər

Ən çox iqtisadi ziyan vuran 10 hadisə (1970-2019)

Qasırğa (Katrina), 2005, ABŞ - 163,61 milyard dollar

Qasırğa (Harvey), 2017, ABŞ - 96,94 milyard dollar

Qasırğa (Mariya), 2017, ABŞ - 69,39 milyard dollar

Qasırğa (İrma), 2017, ABŞ - 58,16 milyard dollar

Qasırğa (Sandy), 2012, ABŞ - 54,47 milyard dollar

Qasırğa (Endryu), 1992, ABŞ - 48,27 milyard dollar

Daşqın, 1998, Çin - 47,02 milyard dollar

Daşqın, 2011, Tayland - 45,46 milyard dollar

Qasırğa (İke), 2008, ABŞ - 35,63 milyard dollar

Daşqın, 1995, Şimali Koreya - 27,17 milyard dollar.

hava iqlim su fəlakətlər Ümümdünya Meterologiya Təşkilatı Qasırğa Daşqın Yüksək temperatu

06.09.2021 12:39

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az