Ən yuxarı statik reklam_3
Ən yuxarı (mobil)_30
Mobil manşet üstü reklam_21

Whatsapp iri məbləğdə cərimələndi

Səbəb gizlilik və şəxsi məlumatların qorunmasına dair qaydaların pozulmasıdır...
iç səhifə xəbər başlığı altı (mobil)_31
Whatsapp iri məbləğdə cərimələndi

Dünyanın ən məşhur sosial mesaj və çat proqramlarından biri olan Whatsapp iri məbləğdə cərimələnib.

Marja xəbər verir ki, İrlandiyanın Məlumatların Qorunması Komissiyası bugünkü açıqlamasında Whatsapp-la bağlı 2018-ci ildən davam edən araşdırmanın yekunlaşdığını və şirkətin Avropada ümumi məlumatların qorunması qanunvericiliyini (GDPR) pozmasının sübut olunduğunu bildirib.

Reklam_3_11

Açıqlamada “Whatsapp-ın Avropa İttifaqındakı vətəndaşlara onların şəxsi məlumatlarından hansı məqsədlərlə istifadə olunması və bu məlumatların hansı səviyyədə Facebook-la paylaşılması barədə dəqiq və ətraflı məlumat vermədiyi” bildirilir. Nəticədə qlobal mesaj xidməti 225 milyon avro (267 milyon dollar) cərimələnib.

Whatsapp-ın nümayəndəsi qərardan appelyasiya şikayəti verəcəklərini bildirib: “Biz insanlara təhlükəsiz və gizliliyi saxlamaq şərtilə xidmət göstərmək öhdəliyi götürmüşük. Fəaliyyətimizin qeyri-şəffaf olması barədə iddiaları rədd edirik və cəriməni ədalətsiz hesab edirik”.

Xatırladaq ki, daha öncə, 2019-cu ildə Google Fransanın müvafiq qurumu tərəfindən GDPR qanunvericiliyinin pozulmasına görə 50 milyon avro, bu ilin iyulunda isə Amazon Lüksemburqun məlumatların tənzimlənməsi orqanı tərəfindən eyni ittihamla 746 milyon avro cərimələnib.

Whatsapp cərimə
02.09.2021 15:56

Müştərilərin xəbərləri

Mobil Manşet alt reklam-2_22
Manşetin sağı-2_5
Ana-sehifede-2-reklam-3_9
Xəbər mətn sağ 2-ci_16
Xəbər mətn sağ 3-cü_17
Xeber_metn_sag_18_2_18