Neft İxrac edən Ölkələr Təşkilatı (OPEC) və OPEC-ə üzv olmayan bəzi istehsalçı ölkələrdən ibarət olan OPEC+ qrupu neft istehsalını artırmağa davam etmək qərarı qəbul edib.

Marja xəbər verir ki, OPEC+ın mövcud siyasətinə görə, eft istehsalının ayda 400 min barel artırılması davam edəcək.

Qərardan sonra Brent nefti 1% ucuzlaşaraq 70,91 dollara düşüb (Bakı vaxtı ilə saat 19:35-ə olan məlumat).

"JP Morgan Chase & Co"nun neft və qaz departamentinin rəhbəri Christyan Malek, Bloomberg TV-yə verdiyi müsahibəsində, "OPEC+  bir dəfə daha bir araya gəlib işləri problemsiz bir şəkildə edə bildiklərini sübut etdi" deyib.

Xam neft qiymətləri Avqust ortasında düşdükdən sonra əhəmiyyətli dərəcədə yenidən yüksəlməsi və 2021-ci ilin geri qalanı üçün təklifin artması üzrə proqnozun qənaətbəxş olması səbəbilə, qrupun mərhələli aylıq istehsal artırmasına dair mövcud təqvimi dəyişdirmək üçün çox az səbəbi var idi.

OPEC və Rusiya daxil müttəfiqləri, keçən il Kovid-19 pandemiyası müddətində tətbiq olunan bənzəri görülməmiş istehsal azaldılmasını ləğv etməkdə davam edir.

OPEC + monitorinq komitəsinin çərşənbə günü bir saatdan az davam edən iclası başa çatıb. Nazirlər, OPEC + ölkələrinə iyul ayında qəbul edilən neft hasilatının gündəlik 0,4 milyon barel artırılması planına riayət etmələrini tövsiyə ediblər.

İyul qərarına görə, OPEC + ölkələri 2021-ci ilin avqust ayından etibarən 2022 -ci ilin sentyabr ayına qədər neft hasilatını ayda 0,4 milyon barel artırır. Bu, 2020-ci ilin may ayından etibarən azaldılmış neftin həcmini bazara qaytarmağa imkan verəcək.  OPEC + texniki komitəsinin hesabatına görə, bu il tədarük kəsirinin həcmi (tələbin təklifi üstələməsi) əvvəlcədən gözlənildiyi kimi əhəmiyyətli olmayacaq - əvvəllər 1,4 milyon barel/ gün əvəzinə cəmi 0,9 milyon barel/ gün gözlənilir. 2022 -ci ildə tələbin  2,5 milyon barel həcmində təklifin çox olması gözlənilir.

ABŞ -ın neft ehtiyatları bir həftə ərzində 7,2 milyon barel azalıb 

Yeri düşümüşkən, ABŞ Energetika Nazirliyindən verilən məlumata görə, ABŞ-da kommersiya (satış üçün) neft ehtiyatları son bir həftə ərzində 7,169 milyon barrel azalaraq 425,395 milyon barrel təşkil etmişdir.

Bloomberg agentliyinə müsahibə verən analitiklər ehtiyatların 2,5 milyon barel azalacağını gözləyirdilər.