Astarada çəltik sahələrində məhsuldarlıq ötən ilə nisbətən bu il yaxşıdır
Astarada bu mövsüm havaların mülayim keçməsi və çəltik sahələrinə düzgün aqrotexniki qulluğun göstərilməsi nəticəsində məhsuldarlıq ürəkaçandır. Rayonda bu il ümumilikdə 240,6 hektardan çox sahədə çəltik əkilib. İlk yığım zamanı fermerlər sahələrdən 40 sentnerdən çox məhsul götürüblər.
Ötən il rayonda 204,6 hektar sahədə çəltik əkilib. Sahələrdən 843,6 ton məhsul yığılıb. Rayon üzrə məhsuldarlıq 41,2 sentner olub. Astara Rayon Dövlət Aqrar İnkişaf Mərkəzinin direktoru Etibar Abbasov deyir ki, bu mövsüm daha çox, 240,6 hektar sahədə çəltik əkilib. İndiyədək 185,1 hektar çəltik sahəsindən 746,3 ton məhsul yığılıb. Çəltik sahələrinin hər hektarından götürülən məhsuldarlıq 40,3 sentner təşkil edir: “Ötən ilə nisbətən bu il 36 hektar çox çəltik əkmişik. Havaların əlverişli keçməsi, suvarma suyunun olması və sahəyə düzgün aqrotexniki qulluq edən fermerlər bunun bəhrəsini görürlər. Məhsuldarlıq ötən ilə nisbətən bu il yaxşıdır. Təbii düyüdür, heç bir qatqı yoxdur, kimyəvi maddələrdən istifadə edilmir. Düzdür, əkindən sonra gübrələrdən istifadə edilir. O da qədərində. Təmiz düyü olduğu üçün rahat sata bilirik”.
Fermerlər ötən il olduğu kimi, bu il də biçinə bir həftə tez başlayıblar. Çəltiyin biçini üçün sahələrə kifayət qədər texnika cəlb olunub.
Ölkə bazarlarında Astara düyüsünə tələbat yüksək olduğundan məhsul istehsalçıları çəltik əkininə daha çox üstünlük verirlər. Bu baxımdan məhsuldarlığın bol olması fermerlərin ürəyincədir.
Fermer Mahir Məmmədov deyib: “Öz kəndimizdə 3 hektar sahədə əkin aparmışam. Hər hektara 4 ton məhsul götürmüşəm. Yığdığım məhsulu üyütmək üçün dəyirmana gətirmişəm. Yaxşı qulluq etdik, su da verirdik. İndi də əziyyətimizin bəhrəsini görürük”.
Digər fermer Şahin Rzayev isə 2 hektar sahədə çəltik əkib: “Şükürlər olsun, 50 sentner məhsul götürmüşəm. Aqrolizinqlə kombayn gətirmişik. Gördüyünüz kimi, hazırda biçin gedir. Bundan sonra dəyirmanda üyüdüb, satışa çıxaracağıq”, - deyə o bildirib.
Qeyd edək ki, çəltik əkini əsasən Astaranın Artupa, Səncərədi, Kakalos, Pensər, Ərçivan, Şiyəkəran və Suparibağ kəndlərindəki təsərrüfatları əhatə edir. Çəltikçiliklə məşğul olan fermerlər və məhsul istehsalçıları daha çox rayonun iqliminə uyğun olaraq “Haşımi”, “Apula”, “Gülanə”, “Xəzər”, “Meko” və “Sədri” kimi toxum növlərinə üstünlük verirlər. Rayonda çəltik yığımı sentyabrın ilk ongünlüyündə başa çatacaq.
Telegramda Marja.az səhifəsinə abunə olun
Azərtac
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 11 saat əvvəl
- 11 saat əvvəl
-
11 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır
























