“Bu işlə məşğul olanlar ölüm lotereyası oynayırlar”

“Bu işlə məşğul olanlar ölüm lotereyası oynayırlar”

"Peyvənd olunanların heç biri reanimasiyada süni tənəffüs aparatına qoşulmayıb”

“Bu işlə məşğul olanlar ölüm lotereyası oynayırlar”

Səhiyyə nazirinin müavini Teymur Musayev saxta COVID sertifikatı alan və onu verən tibb işçilərindən danışıb.

Nazir müavini həmin şəxslərin cinayət işlətdiyini deyib:

VTB-də yüksək depozit faizləri daha çox qazandırır

“Saxta sertifikat alan və onu verən tibb işçisi cinayət işlədir. Bu işlə məşğul olanlar ölüm lotereyası oynayırlar. Onlar insanların həyatını təhlükə altına alırlar”.

Nazir müavini qeyd edib ki, dırnaqarası ekspertlər, bəzi ictimai fəallar, xadimlər sosial şəbəkələrdə və bəzi kütləvi informasiya vasitələrində insanları peyvəndlənmədən kənarlaşdırmaqla məşğuldurlar:

“Reanimasiya şöbələrində dünyasını dəyişən insanların ölümündə həmin insanların məsuliyyəti və əli var. Bu, bir cinayətdir”.

T.Musayevin sözlərinə görə, indiyədək əhalinin 35%-i tam (hər iki dozu alıb-red.) peyvəndlənib:

“60-70 faizə yaxınlaşsaq, yoluxmanın sürətinin qarşısını alacağıq. Hazırda xəstəxanalara yerləşdirilənlərin 96 faizi peyvənd almayan insanlardır. Reanimasiyada yatanların 98 faizi peyvənd olunmayanlardır. Hətta peyvənd olunub reanimasiyaya düşənləri də təhlil edirik. Neqativ hallar da baş verir – saxta COVID pasportu, peyvənd sertifikatı əldə edən insanlar olub. Onların arasında onlar da var. Tam əminliklə deyə bilərəm ki, peyvənd olunanların heç biri reanimasiyada süni tənəffüs aparatına qoşulmayıb”.

Teymur Musayev deyib ki, Azərbaycanda koronavirusa yoluxma sayının artmasına səbəb “Delta” ştammıdır. Digər ştammlardan fərqli olaraq, 30% daha sürətlə yayılması var.

Nazir müavini qeyd edib ki, buna baxmayaraq, ölkədə çarpayı fondunda heç bir problem yoxdur:

“Azərbaycanda sırf COVID-19-la bağlı 10 mindən artıq çarpayı fondu var”.

23.08.2021 09:29

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az