Bugünkü brifinqdə verilən ən mühüm məlumatlar

Bugünkü brifinqdə verilən ən mühüm məlumatlar

Bu gün Nazirlər Kabineti yanında Operativ Qərargahın brifinqi keçirilib.

Marja.az brifinqdə verilən məlumatlardan ən mühümlərini təqdim edir.

- Son günlərdə Azərbaycanda da yoluxma sayında kəskin artım müşahidə olunur. Yoluxma əmsalı 23 %-ə çatıb (test verənlərin 23%-də koronavirus aşkarlanır). Avqustun 1-də isə bu rəqəm 7 % idi. 20 gün ərzində çox ciddi artım müşahidə edilib.

-Azərbaycanda COVID-ə yoluxanların 94%-də "Delta" ştammı aşkarlanıb.

- Hazırda vaksin məcburi deyil.

- Azərbaycanda indiyədək əhalinin 24 faizi vaksin olunub (hər iki dozanı qəbul etmiş).

- Peyvəndləməni 60%-ə qaldıra bilsək, Azərbaycanda pandemiya bitəcək.

- Bu gün 6 milyon dozaya qədər vaksin vurulub və hər hansı əks təsir müşahidə edilməyib.

- Azərbaycanda vaksin olunanlar arasında 0,6 % yoluxma halı müşahidə olunub.

- Koronavirusdan vəfat edənlərin 99%-i vaksin olunmayanlardır.

- Mart ayından bu günə qədər COVID-19-a yoluxub reanimasiyaya düşənlərin 96%-i peyvənd olunmayanlardır.

- Vəziyyəti ağırlaşıb süni tənəffüs aparatına qoşulan xəstələrin 97%-i vaksin olunmayanlardır.

- Yaşlı insanlar, immun problemi olanlar, tibb işçiləri 6 ay sonra əlavə 1 doza da vaksin vurdursalar, effektiv olar.

- Bu gün xüsusi karantin rejiminin sərtləşdirilməsinə ehtiyac yoxdur.

- Sentyabrın 1-dən iri ticarət mərkəzlərinə, mehmanxanalara giriş yalnız COVİD pasportu ilə olacaq.

- Xırdatutumlu ticarət obyektlərində, yəni kiçik marketlərdə hansısa COVID pasportu tələb olunmur.

- Sentyabrın 15-də məktəblərdə ənənəvi qaydada dərslərə başlanması nəzərdə tutulur.

- Uşağı məktəbə gedən valideynlərdən COVİD pasportu tələb olunmayacaq. Amma təhsil işçiləri ilə bağlı belə bir tələb var.

- Hazırda kinoteatrların açılması müzakirə olunmur.

20.08.2021 12:42

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az