Veysəloğlu Pərakəndə İndeksi: Məhsulların qiymətində artım müşahidə edilir

Qida və spirtsiz içkilər 8,2% bahalaşıb.

Veysəloğlu Pərakəndə İndeksi: Məhsulların qiymətində artım müşahidə edilir

Veysəloğlu Şirkətlər Qrupu iyul ayı üzrə Pərakəndə indeksini açıqlayıb. Şirkətlər Qrupunun aylıq hazırladığı “Veysəloğlu Pərakəndə İndeksi” vasitəsilə, məlumatları ictimaiyyətlə paylaşmaqla müştərilərə istehlak səbətlərini planlaşdıran zaman dəstək olmağı hədəfləyir.

Marja xəbər verir ki, İndeks göstəricilərinə Veysəloğlu Şirkətlər Qrupunda istehlak məqsədi ilə məhsul alan bütün müştərilərin ən çox aldığı 4317məhsul daxil edilib. Bu siyahıya qısa müddətli istifadəyə yararlı istehlak məhsulları (təzə qida), qida, spirtli və spirtsiz içkilər, həmçinin tütün məmulatları daxildir. İndeksin hesablanması zamanı satış miqdarlarına görə hər kateqoriyaya ağırlıq veririlir. Nəticədə müştərilərin orta illik və aylıq qiymət dəyişikliyi tempini izləmək mümkün olur.

“Veysəloğlu Pərakəndə İndeksi”nə daxil edilən məhsulların qiymətində 2021-ci ilin iyul ayında 2020-ci ilin iyul ayı ilə müqayisədə 4.8% artım müşahidə edilir.Belə ki, 2021-ci il iyul ayında 2020-ci ilin iyul ayı ilə müqayisədə təzə qida məhsullarında 1,2%, qida və spirtsiz içkilərdə 8,2%, alkoqol və tütün məmulatlarında isə 5,5% artım olub.

Veysəloğlu Şirkətlər Qrupunun missiyası cəmiyyəti təmiz, sağlam, münasib qiymət və keyfiyyətə gündəlik istehlak malları ilə təmin etməkdir. Təqdim olunan pərakəndə satış indeksi göstəricilərinə əsasən aydın olur ki, Şirkətlər Qrupu bazarda münasib və maksimum sabit qiymət siyasəti aparmaqla öz missiyasına xidmət edir.

Veysəloğlu Pərakəndə İndeksi istehlak məhsulları qida spirtli spirtsiz içkilər qiymət

17.08.2021 10:32