Ərdoğanın faiz açıqlamasından sonra Türk Lirəsi "kəlləmayallaq gedib"

Ərdoğanın faiz açıqlamasından sonra Türk Lirəsi "kəlləmayallaq gedib"

Türkiyə Prezidenti Rəcəb Tayyib Ərdoğan canlı yayımlanan müsahibəsində, "Bu gün Mərkəzi Bankın sədrilə danışmışam. Faizləri aşağı salmağımız şərt, faiz yükünü azaltmağımız lazımdır" sözlərinin ardından dollar/TL məzənnəsi kəskin yüksəlib (Türk Lirəsi ucuzlaşıb). Ərdoğan, faizlərin endirilməyə başlanması üçün iyul-avqust aylarına işarə edib.

Ərdoğanın faiz açıqlamasından sonra Türk Lirəsi "kəlləmayallaq gedib"

Türkiyə Prezidenti Rəcəb Tayyib Ərdoğan, TRT-yə müsahibə verib.

Marja xəbər verir ki, Ərdoğan müsahibəsində, Mərkəzi Bankın sədri ilə danışdığını, faizin aşağı salınmasının şərt olduğunu söyləyib.

Ərdoğan faizlərlə əlaqədar olaraq, "Bizim faizləri aşağı salmamız şərtdir, onun üçün də iyul-avqustdan faiz düşməyə başlamalıdır. Çünki faiz yükünü sərmayələrin, xərclərin üzərindən qaldırsaq, xərc inflyasiyasını tətikləyən faiz olduğu üçün, orada da bir rahatlama dövrünə girmiş olacağıq",- deyib

Ərdoğanın şərhlərinin ardından dollar/TL məzənnəsi bütün zamanların ən yüksək səviyyəsini - 8.8008 Türk lirəsini görüb.

Bakı vaxtı ilə saat 07:37-də 1 Dollar 8.64 Türk Lirəsi səviyyələrində olub.

Dünən Dollar/TL məzənnəsi 8.48 səviyyələrinədək geriləmişdi. Ərdoğanın açıqlaması Türk Lirəsinin 4%-ə yaxın dəyərdən düşməsinə səbəb olub.

Qeyd edək ki, Türkiyə Prezidenti Rəcəb Tayyib Ərdoğana görə, faiz səbəb, inflyasiya nəticədir - faizlər yüksəldikdə inflyasiya artır. Ərdoğanın nəzəriyyəsinə görə, ölkədə inflyasiyanın yüksək olduğiu bir vəziyyətdə Türkiyə Mərkəzi Bankı faiz endirməlidir. Mütəxəssislər bu yanaşmanın səhv olduğunu qeyd edərək, "inflyasiyanın səbəb, faizin nəticə" olduğunu bildirirlər.

Türkiyə Prezidenti Rəcəb Tayyib Ərdoğanın 20 Martda sərt pul siyasəti mənimsəmiş Mərkəzi Bankın sədrini gözlənilməz bir şəkildə vəzifədən azad etməsi Türk Lirəsinin 13% dəyərdən düşməsinə səbəb olmuşdu.

02.06.2021 07:34

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az