İki bank arasında satınalmadan sonra yeni təyinat – Cəfər Həmidov vəzifəyə başladı

İki bank arasında satınalmadan sonra yeni təyinat – Cəfər Həmidov vəzifəyə başladı

“Bank Respublika”da mühüm təyinat – Baş texnologiya direktoru dəyişib. “AccessBank”ın baş texnologiya direktoru “Bank Respublika”ya keçib

İki bank arasında satınalmadan sonra yeni təyinat – Cəfər Həmidov vəzifəyə başladı

“Bank Respublika” ASC-də yeni rəhbər təyinatı olub.

Marja.az xəbər verir ki, Cəfər Həmidov bankın Baş Texnologiya Direktoru (Chief Technology Officer – CTO) vəzifəsinə təyin edilib.

Bu barədə Cəfər Həmidov “LinkedIn” sosial şəbəkəsindəki şəxsi hesabında məlumat yayıb. O, “Bank Respublika”da yeni vəzifədə fəaliyyətə başladığını açıqlayıb.

Məlumata görə, Cəfər Həmidov 2026-cı ilin oktyabrından yeni vəzifəsinin icrasına başlayıb.

Cəfər Həmidov bundan əvvəl “AccessBank” QSC-də Baş Texnologiya Direktoru vəzifəsində çalışıb. O, 2025-ci ilin aprelində bu vəzifəyə təyin edilmişdi.

Bank sektorunda 16 ildən artıq təcrübəsi olan Cəfər Həmidov əmək fəaliyyətinə 2010-cu ilin fevralında “AccessBank”da proqramçı kimi başlayıb. Sonrakı illərdə baş proqramçı, aparıcı proqram təminatı tərtibatçısı, əsas bank sistemləri və hesabatlıq bölməsinin rəhbəri kimi çalışıb.

2022-ci ilin martında “AccessBank”ın İT İnkişafı Departamentinin direktoru vəzifəsinə təyin olunan Cəfər Həmidov 2025-ci ilin aprelinədək həmin vəzifəni tutub.

Həmçinin oxu

“Ziraat Bank Azərbaycan”da yeni direktor təyinatı

O, Azərbaycan Dövlət Neft və Sənaye Universitetinin İnzibati idarəetmə ixtisası üzrə bakalavr məzunudur.

Qeyd edək ki, təyinat “Bank Respublika”nın “AccessBank”ın səhmlərinin 100 faizini satın alması üzrə sövdələşmənin tamamlanmasından sonraya təsadüf edir.

Əqdin şərtlərinə əsasən, “AccessBank”ın əvvəlki səhmdarları “Bank Respublika”nın nizamnamə kapitalının 25 faizinə bərabər yeni imtiyazlı səhmlər əldə edirlər. Bankların ilkin mərhələdə ayrı-ayrılıqda fəaliyyət göstərməsi, sonrakı mərhələdə isə müvafiq tənzimləyici tələblərə uyğun birləşdirilməsi nəzərdə tutulur.

Hər gün yeni vakansiyalar - AzVak.az-da

Cəfər Həmidov Jafar Hamidov Bank Respublika AccessBank Bank Respublika yeni təyinat AccessBank rəhbərliyi Chief Technology Officer CTO baş texnologiya direktoru bank sektorunda kadr dəyişiklikləri Bank Respublika AccessBank satınalma bank texnologiyaları rəqəmsal bankçılıq.

06.11.2026 12:38