Ən yuxarı statik reklam_3
Ən yuxarı (mobil)_30
Mobil manşet üstü reklam-3_21

Airbus təyyarə istehsalını artırır

Şirkət məşhur A320 modelindən ayda 45 ədəd buraxmaq niyyətindədir.
iç səhifə xəbər başlığı altı (mobil)_31
Airbus təyyarə istehsalını artırır

Avropanın ən böyük təyyarə istehsalçısı Airbus pandemiyanın gətirdiyi məhdudiyyətlərin arxada qaldığını və aviaşirkətlərin öz fəaliyyətini sürətlə bərpa etdiyini iddia edir.

Marja xəbər verir ki, şirkət özünün məşhur darfüzelyajlı təyyarə seriyasının istehsal həcmini genişləndirməkdə qərarlıdır. Xüsusən, A320 modelinin istehsal gücü bu ilin dördüncü rübündə ayda 45 ədədə çatdırılacaq.

Airbus bu modelin istehsalını 2023-cü ilin ikinci rübündə ayda 64 ədədə, 2024 və 2025-ci illərdə isə müvafiq olaraq 70 və 75 ədədə çatdırmağı hədəfləyir. İrifüzelyajlı A350 modelinin istehsal həcmi isə hazırkı aylıq 5 ədəddən 2022-ci ildə ayda 6 ədədə çatdırılacaq. “Aviasiya sektoru COVID-19 böhranından özünə gəlir. Biz də buna uyğun olaraq təchizatları sürətləndirmək niyyətindəyik” - Airbusun baş direktoru Gilyam Fauri bildirib.

Airbus və onun ən böyük rəqibi, ABŞ-ın Boeing şirkəti son 3-4 ildir ki, həm dar, həm də irifüzelyajlı təyyarə istehsalında amansız rəqabət aparır. Pandemiya bütün planları yarımçıq qoyaraq, bu rəqabəti zəiflətsə də, qlobal iqtisadiyyatın bərpası iki nəhəng arasındakı bazar savaşını yenidən aktuallaşdırır.

Airbus
27.05.2021 11:51

Müştərilərin xəbərləri

Mobil Manşet alt reklam-2_22
Manşetin sağı-2_5
Əsas səhifədə 3-cü reklam_10
Xəbər mətn sağ 1-ci-2_15
Xəbər mətn sağ 2-ci_16
Xəbər mətn sağ 3-cü_17
Xəbər mətn sağ -18_18
InvestAZ