“İqtisadi inkişafda sahibkarlığın rolu” mövzusunda görüş keçirilib

Mayın 26-da Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının təşkilatçılığı ilə İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlının sahibkarlarla görüşü keçirilib. “İqtisadi inkişafda sahibkarlığın rolu” mövzusunda keçirilən görüşə 100-dək sahibkar qoşulub və ölkəmizdəki mövcud biznes mühiti müzakirə edilib, onları narahat edən məsələlər dinlənilib.
Görüşü dövlət-özəl dialoqunun nümunəsi kimi qiymətləndirən Vüsal Qasımlı bildirib ki, artıq Azərbaycanda COVİD-19 pandemiyasının təsiri ilə yaranmış iqtisadi resesiya dayanıb, ilin ortasından iqtisadi artım bərpa olunacaq: “Bu ilin ilk 4 ayında qeyri-neft sənayesi 16,5 faiz, kənd təsərrüfatı 2,3 faiz, pərakəndə ticarət 0,1 faiz və informasiya və rabitə xidmətləri 3,8 faiz artım göstərib. Bundan sonrakı müddətdə turizm, nəqliyyat, ictimai iaşə, tikinti və s. sahələrdə də iqtisadi artımın bərpa edilməsi üçün fəaliyyətlər göstərilir. Azərbaycanda fiskal və monetar siyasət, biznes mühitinin təkmilləşdirilməsi, xarici bazarlara çıxış, insan kapitalının inkişafı, korporativ idarəetmə, maliyyəyə çıxış, dövlət satınalmaları, vergi-gömrük inzibatçılığının sadələşdirilməsi istiqamətində aparılan işlər iqtisadi artımı sürətləndirməyə hesablanıb. Qarabağın işğaldan azad edilməsi və regional kommunikasiyaların açılması perspektivi iqtisadi inkişafımız üçün əlavə imkanlar yaradıb. Dövlət-özəl dialoqu davamlı şəkildə iqtisadiyyatın əsas çağırışlarının müəyyən edilməsi və problemlərin həll edilməsində əməkdaşlıq üçün əhəmiyyət kəsb edir. Sahibkarların təşkilatlanması, yeni biznes modelin və biznes mədəniyyətin formalaşması, rəqəmsal həllərin və yaşıl inkişaf prinsiplərinin tətbiqi iqtisadi inkişafda mühüm rol oynayır”.
Azərbaycan Sahibkarlar Konfederasiyasının prezidenti Məmməd Musayev bildirib ki, Prezident İlham Əliyevin rəhbərliyilə yaradılmış əlverişli biznes mühit sahibkarlığın sürətli inkişafı üçün zəmindir: “Xüsusən də Azərbaycan torpaqlarının işğaldan azad olunmasından sonra qalib ölkənin sahibkarı kimi iqtisadi inkişafda iştirak etmək qürurvericidir”. M.Musayev sahibkarların təşkilatlanması, regionların inkişafında maliyyə əlçatanlığının yüksəldilməsi, maliyyə institutlarının rəqabət qabiliyyətinin artırılması, maliyyə alətlərinin genişləndirilməsi, idxaldakı bəzi məhsulların yerli istehsalla əvəzlənməsi imkanlarına toxunub. Dövlət-özəl dialoqu üçün Azərbaycan Sahibkarlar Konfederasiyasının mövcud platformalarından istifadə imkanları barədə məlumat verən M.Musayev biznes təşkilatlarının inkişafının ümumi iqtisadi tərəqqiyə verdiyi töhfələri qeyd edib.
Azərbaycan Sahibkarlar Konfederasiyasının Hüquq və Sosial Tərəfdaşlıq şöbəsinin müdiri Xəqan Hümmətzadə güclü regional və biznes assosiasiyalara ehtiyac olduğunu və dövlət-özəl əməkdaşlığında ikitərəfli platformaların daha konstruktiv işlədiyini vurğulayıb.
X.Hümmətzadə Konfederasiyaya daxil olan məktublarda “Vergi Məcəlləsi”, gömrük prosedurları, xüsusən də ƏDV-nin diferensiallaşması, istehsal yönümlü müəssisələrdə məhsulun maya dəyəri ilə bağlı mövzuların öndə olduğunu bildirib.
Azərbaycan Sahibkarlar Konfederasiyasının vitse-prezidenti Vüqar Abbasov ikitərəfli əməkdaşlıq platformalarının fəaliyyəti barədə məlumat verib. Dövlət Gömrük Komitəsi ilə ASK arasında Əməkdaşlıq Şurasında müzakirəyə çıxarılan məsələlər, bu yaxınlarda keçirilən monitorinqin nəticələri barədə iştirakçılara məlumat verib. “Monitorinqdə iştirak edən 214 respondentdən 93%-i idxalla məşğul olub. Bu isə onu göstərir ki, idxal əməliyyatları hələ də yüksəkdir. Təbii ki, hazır məhsulun ticarətini etmək daha asandır. Ona görə də istehsalla məşğul olan şirkətlərə dəstək verilməlidir”, -deyə V.Abbasov bildirib.
Azərbaycan Sahibkarlar Konfederasiyasının Turizm və Xidmət üzrə İş Komissiyasının sədri Ruslan Quliyev turizm, ASK-nın vitse-prezidenti Jalə Hacıyeva “Sahibkarlıq subyektlərinin maliyyə əlçatanlığı”, ASK-nın İnnovasiyalar və Rəqəmsal Texnologiyalar Komissiyasının sədri Elçin Əliyev “İnnovasiyaların inkişafında Azərbaycan biznesinin rolu” mövzularında çıxışlar ediblər.
Sonra ASK-nın vitse-prezidenti Vüqar Zeynalovun moderatorluğu ilə müzakirələr və sual-cavab sessiyası keçirilib. Azərbaycanda Qadın Sahibkarlığının İnkişafı Assosiasiyasının sədri Səkinə Babayeva, Bank Tədris Mərkəzinin direktoru Cavanşir Abdullayev, Neon şirkətinin direktoru Arif Həsənov, “TİTAN Qrup” şirkətinin nümayəndəsi Telman Abbasov, Azərbaycan Keyfiyyət Assosiasiyasının sədri Samir Novruzlu, “TUNA” MMC-nin direktoru Rəşid Çulaqov, İqtisadi Resursların Öyrənilməsi İctimai Birliyinin sədri Ruslan Atakişiyev çıxış edərək, ölkəmizdəki əlverişli biznes mühit, sahibkarlığın iqtisadi inkişafa töhfələri, islam bankçılığı, rəqabət mexanizmi, KOB-un inkişafı, vergi-gömrük qanunvericiliyi, biznesə dövlət dəstəyi, beynəlxalq əlaqələrin qurulması, sənaye parklarının fəaliyyəti, dövlət-özəl partnyorluğu, regionlarda biznesin inkişafı məsələləri üzrə təkliflərini səsləndiriblər.
Yekunda qərara alınıb ki, İqtisadi İslahatların Təhlili və Kommunikasiya Mərkəzi və Azərbaycan Sahibkarlar Konfederasiyası bu görüşləri konkret məsələlərin müzakirəsi və müvafiq təkliflərin hazırlanması üçün gələcəkdə də təşkil etsin.
Müştərilərin xəbərləri
SON XƏBƏRLƏR
- 1 ay sonra
-
16 saat sonra
Yüksək və etibarlı gəlir istəyənlər üçün – FINCA istiqrazlarının yeni buraxılışı başlayır
- 2 saat əvvəl
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az - 2 saat əvvəl
-
3 saat əvvəl
Suriya avqustun 2-dən etibarən hər gün 3,4 milyon kubmetr Azərbaycan qazı alacaq
-
3 saat əvvəl
Dövlət Dəniz və Liman Agentliyi üzrə xidmət haqları müəyyənləşib
-
4 saat əvvəl
BYD Azərbaycanda rəsmi tərəfdaşını seçdi - Tezliklə rəsmi satış və xidmət başlayacaq
- 4 saat əvvəl
-
5 saat əvvəl
162 milyon manatlıq artıq və əsassız ödənişlər aşkar edilib, materiallar prokurorluğa təqdim edilib
-
5 saat əvvəl
Media nümayəndələri Coca-Cola-nın İsmayıllı zavoduna səfər ediblər
- 5 saat əvvəl
-
5 saat əvvəl
İcbari tibbi sığorta fondunda pozuntular və risklər - YIĞILAN PULLARIN NECƏ XƏRCLƏNDİYİ YOXLANIB
Son Xəbərlər

Yüksək və etibarlı gəlir istəyənlər üçün – FINCA istiqrazlarının yeni buraxılışı başlayır

"Gələcəkdə ödənişli olacaq Ələt-Astara yoluna alternativ yolun yenidən qurulması 2026-cı ildə tamamlanacaq"

Dövlət Dəniz və Liman Agentliyi üzrə xidmət haqları müəyyənləşib

Dolların sabah üçün rəsmi məzənnəsi müəyyən olunub

Media nümayəndələri Coca-Cola-nın İsmayıllı zavoduna səfər ediblər

760 milyon manatlıq satınalmalarda nöqsanlar aşkar edilib
Ən çox oxunanlar

İcbari tibbi sığorta fondunda pozuntular və risklər - YIĞILAN PULLARIN NECƏ XƏRCLƏNDİYİ YOXLANIB

Dövlət Turizm Agentliyində 18,5 milyon manatlıq pozuntu aşkarlanıb

Azərbaycanın tikinti şirkəti kütləvi üsul ilə 10 milyon manatlıq istiqraz təklif edəcək

Mərkəzi Bank 2 təşkilata xarici valyutada köçürmə aparılmasının dərhal dayandırılması barədə göstəriş verib

İcbari Tibbi Sığorta üzrə Dövlət Agentliyi investisiya fəaliyyəti ilə bağl qanunvericiliyi pozub

PAŞA Kapital ilə illik 10.5%-dək gəlirli PAŞA Bank istiqrazlarına investisiya fürsəti
 (1).jpg)
Dövlət Agentliyi 2 mağazalar şəbəkəsi barəsində iş qaldırıb

İri bank 40 milyonluq istiqrazlarına abunə yazılışına start verdi - İLLİK 10.5% GƏLİR TƏKLİFİ
