Süd bahalaşır - dünyanın ən iri ixracatçısından xəbərdarlıq

Süd bahalaşır - dünyanın ən iri ixracatçısından xəbərdarlıq

Çin və digər ölkələrdə tələbatın sürətlə artması qiymətlərə təsirsiz ötüşmür.

Süd bahalaşır - dünyanın ən iri ixracatçısından xəbərdarlıq

Əmtəə qiymətlərində son aylar davam edən qlobal artım dalğasında növbə artıq südə çatıb.

Marja xəbər verir ki, 30%-lik payla dünyanın ən iri süd məhsulları ixracatçısı, Yeni Zelandiyanın Fonterra şirkəti iyunun 1-dən başlayaraq fermerlərdən alacağı süd qiymətlərini açıqlayıb. Şirkətin tarixində ən yüksək həddə çatan qiymətlər quru südün bir kiloqramına görə 7,25-8,75 Yeni Zelandiya dolları - NZ (5,29-6,39 dollar) təşkil edəcək. Orta qiymət 8 NZ (5,8 dollar) olduğu halda, ölkədə 10 mindən artıq fermer təxminən 12 milyard NZ (8,65 milyard dollar) qazanacaq.

“Süd məhsullarına, xüsusən Yeni Zelandiya südünə qlobal tələbat durmadan artır. Tələbatda ən böyük pay iqtisadiyyatı daha sürətlə bərpa olunan Çinə məxsusdur. Hazırkı vəziyyətdə qlobal süd təchizatında artım demək olar ki yoxdur və quru südün çatdırılmasında problemlər yaranır” - Fonterra-nin baş direktoru Miles Hurrel bildirib.

Artan tələbat ixracının üçdə bir hissəsini süd məhsulları təşkil edən və “Südün Səudiyyəsi” adlandırılan Yeni Zelandiya iqtisadiyyatı üçün yeni stimuldur. Ölkənin mərkəzi bankı bugünkü açıqlamasında əmtəə ixrac qiymətlərinin artması sayəsində iqtisadi artımın sürətləndiyini bildirib. Bəzi ekspertlər Yeni Zelandiyanın pandemiyadan sonra inkişaf etmiş ölkələr qrupunda faiz dərəcələrini artıracaq ilk ölkələr sırasında olacağını proqnozlaşdırır.

Aprel ayına qədər son 9 ayda vergi öhdəlikləri çıxıldıqdan sonra Fonterranın xalis mənfəəti 587 milyon NZ (423 milyon dollar) təşkil edib. Lakin, Fonterra iri müştəriləri ilə körpələr üçün süd, yağ və pendir təchizatı ilə əlaqədar bağladığı müqavilələrin şərtlərinə uyğun olaraq, südün xammal şəklində qiymət artımını satdığı məhsullara dərhal əlavə edə bilmir. Bu səbəbdən şirkət cari ilin son rübündə gəlirlərinin azalacağını gözləyir.

26.05.2021 13:53

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az