Çin xəbərdarlıq etdi - dəmir qiymətləri düşdü

Çin xəbərdarlıq etdi - dəmir qiymətləri düşdü

Mayın əvvəlində rekord həddə çatan dəmir filizi qiymətləri təkcə bugün 7% ucuzlaşıb.

Çin xəbərdarlıq etdi - dəmir qiymətləri düşdü

Qlobal miqyasda ən iri dəmir filizi istehsalçılarındna olan Çin son aylarda dəmir qiymətlərində kəskin artım və inflyasiyaya ciddi təsir riski qarşısında hərəkətə keçib.

Marja xəbər verir ki, ölkənin əsas iqtisadi planlaşdırma qurumu olan Milli İnkişaf və İslahat Komissiyası bugün iri yerli metal istehsalçıları ilə görüşdən sonra yaydığı açıqlamasında inhisarçıların həddən artıq spekulyasiya və xammalı anbarlarda gizlətməklə qiymətləri süni qaldırmaq cəhdlərinə qarşı ciddi mübarizə aparacağını bildirib.

VTB-də minimal faiz dərəcəsi ilə nağd kredit 9.9%-dən

Birjalar bu açıqlamaya dərhal reaksiya verib. Çində sənayenin ən vacib materiallarından olan dəmir filizi Dalian indeksində 7% ucuzlaşaraq, bir tona görə 163 dollar təşkil edib. Bu isə may ayının əvvəlində rekord dərəcədə bahalaşaraq (226 dollar/ton), sonradan 25%-ə qədər dəyər itirən dəmir filizinin qiymətində növbəti azalma dalğasıdır. Alüminiumun iyul ayı üzrə fyuçers qiymətləri də Şanxay birjasında 3% ucuzlaşıb.

Çin qlobal əmtəə istehlakında liderdir və xammal qiymətlərinin artması dünyanın ən iri iqtisadiyyatlarından birində inflyasiyaya dərhal təsir edir. Ötən həftə dövlət televiziyası CCTV baş nazir Li Keqiangın rəhbərliyi altında keçirilən hökumət toplantısında əmtəə qiymətlərində bahalaşmanın istehlak mallarına təsir etməməsi üçün müvafiq tədbirlərin görülməsinə dair bir sıra tapşırıqlar qoyulduğunu xəbər verib. Dəmir istehsalının hazırkı rekord səviyyəsinin azaldılması ilə xammala tələbatı minimuma endirmək də əsas hədəflərdəndir.

24.05.2021 11:45