Çip böhranı təhlükəli səviyyəyə çatıb

Çip böhranı təhlükəli səviyyəyə çatıb

Çip sifari və təhvil verilməsi tarixləri arasındakı fərq 17 həftəyə qədər çataraq təhlükəli bir səviyyəyə çatıb

Hal-hazırda avtomobil və elektronika məhsulları istehsalçılarına mənfi təsir edən çip tədarükü (alınması) çətinliyi gedərək daha da pisləşərək pandemiyadan sonra iqtisadi inkişafı təhdid edir.

Marja xəbər verir ki, "Susquehanna Financial Group"un araşdırmasına görə, çipin sifariş edilməsi ilə təhvil verilməsi tarixləri arasındakı fərq 17 həftəyə qədər çəkir. Bu müddət təhlükəli bir səviyyədir və 2017-ci ildə məlumatların toplanmağa başlamasından bəri ən uzun təhvil müddətidir.

VTB-də minimal faiz dərəcəsi ilə nağd kredit 9.9%-dən

Çip tədarük çətinliyi bir çox sektora yayılmağa davam edərkən, avtomobil istehsalçılarının bu il azalan satışlara görə 110 milyard dollar zərərə uğraması gözlənilir.

Fitch-dən çip böhranı açıqlaması

Beynəlxalq kredit reytinqi agentliyi Fitch-in yaydığı məlumatda, çip çətinliyinin ehtimalla daha uzun davam edəcəyini və bunun mənfi təsirlərinin bazarların təxmin etdiyindən daha böyük olacağını qeyd edib.

Məlumatda, çip çətinliyinin avtomobil istehsalçılarının illik satışlarını 5% azaldacağının gözlənildiyi bildirilib.

Məlumatda, bir çox avtomobil istehsalçısının 2021-ci ilin 2-ci rübündə ən ağır vəziyyətlə qarşılaşacağı və çətinliyin 2022-də gedərək azalacağı qeyd edilib.

19.05.2021 11:41